გურიის სოფელ ნასაკირალში  აჭარის მთავრობის თავმჯდომარე ზურაბ პატარაძე  ბათუმის შოთა რუსთაველის სახელმწიფო უნივესიტეტის ღია კარის დღეს დაესწრო. ღონისძიებას ასევე აჭარის განათლების, კულტურისა და სპორტის მინისტრი ინგა შამილიშვილი, აჭარის ჯანდაცვის მინისტრი ზაალ  მიქელაძე, გურიის გუბერნატორი გია სალუქვაძე და ხელისუფლების წარმომადგენლები ესწრებოდნენ.    

,,დღეს ძალიან საინტერესო შეხვედრა გაიმართა ნასაკირალის სკოლაში. ჩემთან ერთად განათლების, კულტურისა და სპორტის მინისტრი და უნივერსიტეტის რექტორი იმყოფებიან. პროექტები, რომლებიც დაგეგმილია ბათუმში, ძალიან მნიშვნელოვანია ჩვენი ეკომიგრანტებისათვის და ზოგადად მეზობელი რეგიონის მოსახლეობისთვის. საზაფხულო სკოლები, გაცვლითი თუ სხვა სახის უფასო პროგრამები, რომელსაც განათლების სამინისტრო სთავაზობს. დღეს ჩვენ გვაქვს საშუალება და დიდი სიამოვნებით მივიღებთ აჭარაში ახალგაზრდებს, რათა მოხდეს მათი მეტი ინტეგრაცია, მეტი ჩართულობა სხვადასხვა საგანმანათლებლო პროგრამებში. ვფიქრობ, მსგავსი ღონისძიებები ძალიან მნიშვნელოვანი და საინტერესოა"-აღნიშნა ზურაბ პატარაძემ. 

ნასაკირალის სკოლაში შეკრებილმა მოსწავლეებმა ბათუმის უნივერსიტეტის რექტორს მოუსმინეს. მერაბ ხალვაშმა სკოლაში შეკრებილ ახალგაზრდებს უმაღლესი საგანმანათლებლო დაწესებულების სიახლეები,  გაცვლითი პროგრამები, სტიპენდიები და პრიორიტეტები გააცნო. განათლების, კულტურისა და სპორტის მინისტრმა ნასაკირალში მცხოვრები ეკომიგრანტებისთვის განათლების სამინისტროს სპეციალური შეთავაზება - საზაფხულო სკოლა დააანონსა. 

,,საზაფხულო სკოლის პერიოდი დაემთხვევა გონიოს არქეოლოგიურ გათხრებს. ისინი მონაწილეობას მიიღებენ არქეოლოგიურ გათხრებში და ის პერიოდი, რასაც ბავშვები გაატარებენ ჩვენთან დატვირთული იქნება სხვადასხვა საგანმანათლებლო და კულტურული პროექტებით. დარწმუნებული ვარ, რომ ეს იქნება პირველი ნაბიჯი, თუმცა გავრცელდება სხვა რეგიონებზეც. განათლების სამინისტრო ყოველთვის დაეხმარება მსგავსი პროექტების განხორციელებას"- აღნიშნა ინგა შამილიშვილმა. 

შეხვედრის დასასრულს მთავრობის თავმჯდომარემ  საჯარო სკოლას საჩუქრად ლეპტოპი გადასცა, ხოლო სკოლის მოსწავლეებს სახელმწიფო უნივერსიტეტის საინფორმაციო ბუკლეტები, წიგნები და  საჩუქრები გადაეცათ სამახსოვროდ. 

ბათუმის შოთა რუსთაველის სახელმწიფო უნივერსიტეტი 82-წლიანი ისტორიის მქონე განათლებისა და მეცნიერების უმნიშვნელოვანესი ცენტრია. უნივერსიტეტი ახორციელებს 130-ზე მეტ აკრედიტებულ პროფესიულ, ბაკალავრიატის, მაგისტრატურის, დოქტორანტურის საგანმანათლებლო პროგრამას, სადაც 6000-მდე სტუდენტი სწავლობს. 

50-მდე საბაკალავრო საგანმანათლებლო პროგრამაზე წელს 1430 პირველკურსელი ჩაირიცხება. მათგან ათი პროგრამა სრული სახელმწიფო დაფინანსებით განხორციელდება და 500 სტუდენტი უფასოდ ისწავლის.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტუსკი საკონსტიტუციო ტრიბუნალზე - ყვირილი, ტყუილი და ჩხუბი პოლონეთში კანონის წყარო არ შეიძლება იყოს

ტრამპმა განაცხადა, რომ უკრაინის საკითხზე შეთანხმების მიღწევა შესაძლებელია G20-ის სამიტამდე

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად