შსს-ს საფეხბურთო გუნდმა ფეხბურთის სამოყვარულო ტურნირში - "ნატო-ს თასი 2017" გაიმარჯვა და ჩემპიონი გახდა. ჩემპიონატი, ნატო-ს დღეების ფარგლებში, სპორტისა და ახალგაზრდობის საქმეთა სამინისტროს და ნატო-სა და ევროკავშირის შესახებ საინფორმაციო ცენტრის ორგანიზებით გაიმართა.

ტურნირი 4-დან 8 აპრილის ჩათვლით, საქართველოს ფეხბურთის ფედერაციის მხარდაჭერით, დიღომში მდებარე ოლიმპიურ ქალაქში მიმდინარეობდა. მასში სხვადასხვა სახელმწიფო უწყების, საქართველოში აკრედიტებული დიპლომატიური კორპუსისა და მედიის წარმომადგენლებით დაკომპლექტებული 32 გუნდი მონაწილეობდა.

შსს-ს საპატრულო პოლიციის დეპარტამენტის საფეხბურთო გუნდი ფინალურ შეხვედრაში ფინანსთა სამინისტროს შემოსავლების სამსახურის გუნდს დაუპირისპირდა და ანგარიშით 3:1 დაამარცხა.

შსს-ს გუნდს „ნატო-ს თასი“ ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ და სპორტისა და ახალგაზრდობის საქმეთა მინისტრმა ტარიელ ხეჩიკაშვილმა გადასცეს.

გამარჯვებულებს სოფლის მეურნობის სამინისტრომ საჩუქრად ქართული წარმოების ღვინო გადასცა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტუსკი საკონსტიტუციო ტრიბუნალზე - ყვირილი, ტყუილი და ჩხუბი პოლონეთში კანონის წყარო არ შეიძლება იყოს

ტრამპმა განაცხადა, რომ უკრაინის საკითხზე შეთანხმების მიღწევა შესაძლებელია G20-ის სამიტამდე

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად