„ევროპული საქართველოს“ წევრის ირაკლი აბესაძის განცხადებით, მას საქართველოს პრეზიდენტთან საკონსტიტუციო კომისიის დატოვებასთან დაკავშირებით არანაირი კონსულტაციები არ ჰქონია.

როგორც აბესაძემ ჟურნალისტებს განუცხადა, საკონსტიტუციო კომისიაში პარტიის მონაწილეობა დამოკიდებულია იმ საკითხების მნიშვნელობაზე, რომელზეც კომისია მსჯელობს.

„პირველ რიგში, მოლოდინი გვაქვს, რომ კომისია ვრცლად და არსობრივად იმსჯელებს მოქმედი საარჩევნო სისტემის რეფორმირებაზე. ეს არის მთავარი დაკვეთა, რომელიც საზოგადოების მხრიდან აქვს სახელმწიფოს, ამ შემთხვევაში საკონსტიტუციო კომისიას. თუკი კომისია აცდება მთავარ მიზანს და საუბარი გვექნება მხოლოდ პრეზიდენტის უფლებამოსილების შეკვეცაზე და „ქართული ოცნების“ გავლენის გაძლიერებაზე, ასეთ შემთხვევაში ვიფიქრებთ, გავაგრძელოთ თუ არა მონაწილეობა კომისიის მუშაობაში. „ევროპული საქართველოს“ მონაწილეობა საკონსტიტუციო კომისიაში თავიდანვე დამოკიდებული იყო იმ საკითხების მნიშვნელობიდან და შინაარსიდან გამომდინარე, რომელზეც კომისია მსჯელობს. პარტია მონაწილეობს კომისიის მუშაობაში მანამ, სანამ შესაძლებლად მიგვაჩნია, რომ მსჯელობა მიმდინარეობდეს საარჩევნო სისტემის რეფორმირებაზე იმისთვის, რომ მომდევნო საპარლამენტო არჩევნების შედეგი ამომრჩევლის ნებას სამართლიანად ასახავდეს“, - განაცხადა ირაკლი აბესაძემ.

საქართველოს პარლამენტის თავმჯდომარის ირაკლი კობახიძის ინფორმაციით, პრეზიდენტის ადმინისტრაცია ცალკეულ არასამთავრობო ორგანიზაციებთან და პარტიებთან კონსულტაციებს მართავს, რათა მათ საკონსტიტუციო კომისიის რიგები დატოვონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა