„ნაციონალური მოძრაობის“ წევრის რომან გოცირიძის შეფასებით, მმართველი ხელისუფლება უკმაყოფილია იმით, რომ პრეზიდენტმა არგუმენტირებული, ზომიერი შენიშვნები გამოთქვა ქვეყანაში არსებული პრობლემების შესახებ.

გოცირიძემ პლენარულ სხდომაზე სიტყვით გამოსვლისას საპარლამენტო უმრავლესობას მიმართა და მათ „რეალობასა და დროს აცდენილი“ უწოდა.

„დღევანდელი მმართველი ხელისუფლება იმითაც კი არის უკმაყოფილი, რომ პრეზიდენტმა სავსებით არგუმენტირებული, ზომიერი ფორმით  შენიშვნები გამოთქვა  ქვეყანში დღეს  არსებული პრობლემების  შესახებ. ესეც  კი მიუღებელი აღმოჩნდა მმართველი უმრავლესობისათვის. თქვენი სატელევიზიო გამოსვლებით მოვისმინეთ, რომ  თურმე  პრეზიდენტი დროსა და სივრცეს  ყოფილა  აცდენილი თავისი გამოსვლით.  სამწუხაროდ თქვენ  აცდით დროს.   ჩვენ ნათლად ვხედავთ, რომ  საქართველოში ხდება ფაქტობრივად  კონსტიტუციური გადატრიალება.  თქვენ არ მოგწონთ, რონ პრეზიდენტი თურმე იყენებს  ვეტოს  უფლებას.  თურმე რა ჩაუდენია პრეზიდენტს, რომ  6 ჯერ გამოუყენებია თავისი კონსტიტუციური უფლება და თურმე თქვენ ანტისახელმწიფოებრივი ქმედება უწოდეთ  პრეზიდენტის მიერ საკუთარი უფლებების  გამოყენებას.  ქვეყანაში კონსტიტუციის ჭრა, კერვა და მორგება საკუთარი პოლიტიკური ძალაუფლების  შენარჩუნების მიზნით  ეს არის დღევანდელი ხელისუფლების პოლიტიკური ქმედების მთავარი მიზანი. ებრძვით პრეზიდენტის ინსტიტუტს, თქვენ გინდათ, რომ შეცვალოთ კონსტიტუცია და საარჩევნო კანონი მოირგოთ საკუთარ ტყავზე. ფაქტობრივად ქვეყანაში უზურპირებულია  სასამართლო ხელისუფლება“,-განაცხადა გოცირიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times