იუსტიციის მინისტრმა, თეა წულუკიანმა, ეუთო-ს დემოკრატიული ინსტიტუტებისა და ადამიანის უფლებების დაცვის ოფისის (ODIHR) დირექტორი მაიკლ ჯორჯ ლინკი მიიღო.

თეა წულუკიანი მაიკლ ჯორჯ ლინკსა და დელეგაციის წევრებს საკანონმდებლო სფეროში მიმდინარე რეფორმებზე ესაუბრა. შეხვედრაზე ითქვა, რომ ეუთო-ს დემოკრატიული ინსტიტუტებისა და ადამიანის უფლებების დაცვის ოფისის რეკომენდაციები, რომლებიც გასული წლის 9 დეკემბერს მიიღეს, ერთი მხრივ, ასახავდა იმ პროგრესს, რასაც მართლმსაჯულების სისტემის რეფორმამ ბოლო ორი წლის განმავლობაში მიაღწია, მეორე მხრივ კი, სხვადასხვა ცვლილების განხორციელების რეკომენდაციებს შეიცავდა. მათი დიდი ნაწილი უკვე გათვალისწინებულია მეოთხე ტალღის რეფორმაში. საუბარი შეეხო, აგრეთვე, პროკურატურის სისტემის რეფორმას. მხარეები შეთანხმდნენ, რომ კანონი პროკურატურის შესახებ, ვენეციის კომისიის გარდა, „ODIHR“-ის ექსპერტიზასაც გაივლის.
შეხვედრის ბოლოს მაიკლ ჯორჯ ლინკმა აღნიშნა, რომ საქართველოში განხორციელებული სამართლებრივი რეფორმები, მათ შორის, მართლმსაჯულების სფეროს საკანონმდებლო რეფორმა, შთამბეჭდავია და იუსტიციის მინისტრს სამომავლო გეგმების ასევე წარმატებით განხორციელება უსურვა.
შეხვედრას ასევე  ესწრებოდნენ, აგრეთვე, იუსტიციის მინისტრის პირველი მოადგილე ალექსანდრე ბარამიძე და ეუთო-ს ოფისის წარმომადგენელი ვენაში იან ჰაუკაასი.
ეუთო-ს დემოკრატიული ინსტიტუტებისა და ადამიანის უფლებების დაცვის ოფისის (ODIHR) დირექტორი საქართველოს ოფიციალური ვიზიტით 6 აპრილს ეწვია. დელეგაციამ უკვე გამართა შეხვედრა საქართველოს საგარეო საქმეთა სამინისტროში; საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროში; საქართველოს პარლამენტში.
ვიზიტის ფარგლებში ეუთო-ს დემოკრატიული ინსტიტუტებისა და ადამიანის უფლებათა ოფისის დირექტორმა წეროვანის ლტოლვილთა დასახლება და საოკუპაციო ხაზის გასწვრივ მდებარე სოფელიც მოინახულა; სოფელში არსებული მძიმე ჰუმანიტარული და სოციალური ვითარება შეაფასა და ადამიანის ფუნდამენტური უფლების − გადაადგილების თავისუფლების შეზღუდვის, დაუშვებლობაზე ისაუბრა. ლინკმა კიდევ ერთხელ აღნიშნა, რომ „აფხაზეთი და ცხინვალის რეგიონი საქართველოს განუყოფელი ნაწილებია“.
მაიკლ ჯორჯ ლინკის ვიზიტი საქართველოში დღეს დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შვილებს, მათ შორის, არასრულწლოვანს, მათივე ნების საწინააღმდეგოდ აიძულებდნენ ცოლად გაჰყოლოდნენ - პოლიციამ სამი პირი დააკავა თანასოფლელ მამაკაცებს

ბაზისბანკის მხარდაჭერით ფინანსური განათლების ეროვნული ჯილდო 2027 იწყება

ვენსი: უკრაინა „გარკვეული გაგებით“ პარტნიორია, მაგრამ მან უნდა შეწყვიტოს რუსეთის ნავთობგადამამუშავებელი ქარხნების დარტყმა

FT: ევროპა პუტინს შესთავაზებს მთელი დონბასის რუსეთისთვის გადაცემას ომის დასრულებისა და უკრაინის ნატოში გაწევრიანების სანაცვლოდ