პრეზიდენტი: მიხარია, რომ ქვეყნის მეთაურის არჩევასთან დაკავშირებით საზოგადოებამ მკაფიო პოზიცია დააფიქსირა

2017-03-31 13:48:43, 2111 ნახვა

პოლიტიკა კომენტარი

საქართველოს პრეზიდენტის გიორგი მარგველაშვილის შეფასებით, განსაკუთრებით საინტერესოა რეიტინგებში ის პოზიცია, რომელიც პრეზიდენტის არჩევის წესთან არის დაკავშირებული.

ამის შესახებ პრეზიდენტმა IRI-ის კვლევის კომენტირებისას განაცხადა.

როგორც პრეზიდენტმა აღნიშნა, ქართველ ხალხის ინტერესშია, შენარჩუნდეს ქვეყნის მეთაურის არჩევა.

„ჩემთვის განსაკუთრებით საინტერესო ამ რეიტინგებში იყო ის პოზიცია, რომელიც დაფიქსირდა პრეზიდენტის ინსტიტუტის საერთო-სახალხო არჩევასთან დაკავშირებით. მიხარია, რომ ქართულმა საზოგადოებამ ასე ერთმნიშვნელოვნად მკაფიო პოზიცია დაუფიქსირა მთელს სახელმწიფოს - ქართველ ხალხის ინტერესშია, შენარჩუნდეს ქვეყნის მეთაურის არჩევა. ასეთი ნათელი გზავნილი ბუნებრივია, უნდა იქნას გაზიარებული“, - აღნიშნა გიორგი მარგველაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან