მინდა, გამოვხატო კმაყოფილება იმ გარემოებით, რომ ჩვენ გარკვეული წვლილი შევიტანეთ საქართველოსთვის უვიზო რეჟიმის ამოქმედებაში, - ამის შესახებ ლიტვის პრეზიდენტმა დალია გრიბაუსკაიტემ საქართველოს პრეზიდენტთან ერთობლივ პრესკონფერენციაზე განაცხადა.

დალია გრიბაუსკაიტემ საქართველოს უვიზო რეჟიმის ამოქმედება კიდევ ერთხელ მიულოცა და აღნიშნა, რომ ლიტვა ყოველთვის მხარს უჭერს საქართველოს.

„მინდა, მივულოცო საქართველოს, ჩვენს მეგობრებს ლიტვის სახელით. საქართველოს ძალისხმევა შესაძლებელი გახდა სწორედ მეგობრების წყალობით, მათ შორის ლიტვიელების წყალობით. დღეს საქართველოს მოქალაქეებს შეუძლიათ, უვიზოდ იმოგზაურონ ევროპის კავშირის ტერიტორიაზე. გუშინ ჩვენს აეროპორტში ჩამოფრინდა თვითმფრინავი, სადაც იყვნენ ქართველები. მათ შეხვდნენ ყვავილებით. ჩვენ ვართ ძალიან ბედნიერი, რომ ქართველებს შეუძლიათ ლიტვაში ჩამოვიდნენ უვიზოდ“, - განაცხადა დალია გრიბაუსკაიტემ.

როგორც რრიბაუსკაიტემ აღნიშნა, ლიტვა, ისევე როგორც სხვა სახელმწიფოები, მუდმივად მხარს უჭერდა საქართველოს და მის ინტეგრაციულ პროცესებს ევროპის კავშირში.

„ასოცირების ხელშეკრულება, თავისუფალი მიმოსვლის ხელშეკრულება უკვე ამოქმედდა სრულიად. მინდა, გამოვხატო ჩემი კმაყოფილება იმ გარემოებით, რომ გარკვეული წვლილი შევიტანეთ საქართველოსთვის უვიზო რეჟიმის ამოქმედებაში. ეს პროცესი კიდევ ერთხელ ადასტურებს,  რომ ძალისხმევა, რომელიც ჩვენ გავწიეთ, სწორედ იყო წახალისებული იმ რეფორმებით, რომელიც განხორციელდა თქვენს ქვეყანაში. თუმცა, ძალიან ბევრი უნდა გაკეთდეს, აუცილებელია, რეფორმები გაგრძელდეს სასამართლო სექტორში, სამოქალაქო სექტორში. უნდა გაგრძელდეს პროკურატურის რეფორმების პროცესი. ჩვენ მზად ვართ, დავეხმაროთ საქართველოს. ჩვენ შეგვიძლია მოგცეთ რჩევები, რამდენადაც საქართველოს დასჭირდება ჩვენი დახმარება, ჩვენ მზად ვართ ამისთვის“, - განაცხადა ლიტვის პრეზიდენტმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.

ოკუპირებულ დონეცკში კობა ხაბაზს დაუსწრებლად 13 წლით თავისუფლების აღკვეთა მიუსაჯეს