ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის ვიქტორ დოლიძის განცხადებით, საქართველოს მოქალაქეს შენგენის ქვეყნებში უვიზოდ მიმოსვლისთვის ხელფასის ცნობა არ დასჭირდება, თუმცა ეს კარგი ბონუსი იქნება.

მინისტრმა მედიას ევროკავშირის ქვეყნებში მოგზაურობის პირობები კიდევ ერთხელ გააცნო.

როგორც დოლიძემ  აღნიშნა, ბიომეტრიული პასპორტის ქონა ერთ-ერთი ყველაზე მთავარი წინაპირობა იქნება.

„ასევე საჭიროა სადაზვევო საერთაშორისო საბუთის ქონა - ესეც მნიშვნელოვანი კომპონენტია. აუცილებელია წარადგინოს მისამართი თუ  სად და რა მიზეზით მიდის მოქალაქე. შესაძლებელია რომ მიდიოდეს ან ნათესავთან და მეგობართან და ამ შემთხვევაში აღნიშნული პირის მისამართი უნდა იცოდეს. წინააღმდეგ შემთხვევაში თუ კი ის მიდის სასტუმროში მაშინ მას სასტუმროს ჯავშანი დასჭირდება. შეიძლება დაისვას კითხვა მის ფინანსურ მდგომარეობასთან დაკავშირებით. მაგალითად, ბარათი, რომელიც არ არის ვადაგასული ან წინააღმდეგ შემთხვევაში მას შეიძლება „ქეში“ ჰქონდეს. იმ შემთხვევაში თუ „ფეისკონტროლი„ იქნება და არ შეუშვებენ მოქალაქეს, მას არ შეშვების მიზეზი აუცილებლად აეხსნება. აქვე მინდა აღვნიშნო, რომ ამ სახის პრობლემებს არ ველი, თუკი მოქალაქე ყველა კრიტერიუმს დააკმაყოფილებს“,-განაცხადა დოლიძემ.

მინისტრმა მოქალაქეებს კიდევ ერთხელ მოუწოდა შენგენის  ქვეყნებში მოგზაურობისას წესები არ დაარღვიონ.

„საქართველო შეყვანილია 5  ყველაზე უსაფრთხო ქვეყნების სიაში, ამიტომ თავშესაფრის მაძიებლების რიცხოვნებით მინიმალიზირება მოხდება, მაგრამ უნდა გაითვალისწინონ ყველა წინაპირობა. მაგალითად, 90 დღიან ვადას არ გადააცილონ“,-აღნიშნა დოლიძემ.

ჟურნალისტის კითხვაზე დასჭირდება თუ არა მოქალაქეს  მოგზაურობის დროს სამუშაო ადგილის ცნობა?

მინისტრმა განმარტა, რომ ამგვარი ქაღალდი ბონუსად ჩაითვლება.

„არ არის აუცილებელი, რომ სამუშაო ადგილიდან ცნობა მიიტანო. როგორც ეს ადრე საკონსულოებში ხდებოდა, მაგრამ თუკი ამგვარი ქაღალდი ექნება ურიგო არ იქნება, პირიქით ეს მას შეიძლება წაადგეს“,-განაცხადა ვიქტორ დოლიძემ.

შეგახსენებთ, რომ ხვალიდან საქართველოს მოქალაქეები ევროკავშირის  წევრ ქვეყნებში უვიზოდ იმოგზაურებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times