პირველი ვიცე-პრემიერი, ფინანსთა მინისტრი დიმიტრი ქუმსიშვილი ევროკავშირის წარმომადგენლობის ხელმძღვანელს იანოშ ჰერმანსა და ევროპის რეკონსტრუქციისა და განვითარების ბანკის რეგიონულ დირექტორ ბრუნო ბალვანერას  შეხვდა. 

უწყების პრესსამსახურის ინფორმაციით, შეხვედრაზე საუბარი წარიმართა პროექტებზე, რომელთაც, ევროკავშირი და ევროპის რეკონსტრუქციისა და განვითარების ბანკი საქართველოში ახორციელებენ.

მათივე ინფორმაციით,  განსაკუთრებული ყურადღება გამახვილდა “E5P”-ის (Eastern Europe Energy Efficiency and Environment Partnership) პროგრამის ფარგლებში მიმდინარე და სამომავლო ენერგოეფექტურ პროექტებზე. მათ შორის, თბილისისთვის განხორციელებულ პროექტზე, რომლის ფარგლებშიც შეძენილი იქცა 143 თანამედროვე სტანდარტის ენერგოეფექტური ავტობუსი. 

 დიმიტრი ქუმსიშვილმა მადლობა გადაუხადა ევროკავშირსა და ევროპის რეკონსტრუქციისა და განვითარების ბანკს საქართველოში გაწეული საქმიანობისათვის, მათ შორის, თბილისის ავტობუსების პროექტის განხორციელებაში გაწეული მხარდაჭერისთვის. 

„აღნიშნული პროექტი სრულად დაგვეხმარება უკეთესი ტრანსპორტის სქემის შექმნაში. ამასთან, ჩვენი მოქალაქეები შეძლებენ, მეტად ისარგებლონ საზოგადოებრივი ტრანსპორტით, ვიდრე კერძო ტრანსპორტით, რაც დადებითად აისახება ეკოლოგიურ მდგომარეობაზე ქალაქში, ასევე დანაზოგებზე, რომელიც ჩვენს მოქალაქეებს ექნებათ,“ - განაცხადა დიმიტრი ქუმსიშვილმა.  

ევროკავშირის წარმომადგენლობის ხელმძღვანელმა, იანოშ ჰერმანმა და ევროპის რეკონსტრუქციისა და განვითარების ბანკის რეგიონულმა დირექტორმა დადებითად შეაფასეს საქართველოსთან თანამშრომლობა ენერგოეფექტური საზოგადოებრივი ტრანსპორტის სფეროში. 

„ვფიქრობ, ეკონომიკური და სოციალური თვალსაზრისით საზოგადოებრივი ტრანსპორტის განვითარება  ჩვენს დღის წერიგში დარჩება,“ - განაცხადა იანოშ ჰერმანმა.    

შეხვედრაზე ასევე ყურადღება გამახვილდა საქართველოს სხვა ქალაქებში, მათ შორის, ბათუმში ენერგოეფექტური საზოგადოებრივი ტრანსპორტის განვითარების საკითხზე. კერძოდ, საუბარი წარიმართა ბათუმში ელექტროავტობუსების შეძენის შესაძლებლობასა და ევროკავშირის საგრანტო კომპონენტის თანამონაწილეობაზე. 

შეხვედრას ასევე  თბილისის მერის მოადგილე ირაკლი ლექვინაძე დაესწრო. 

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის