გაეროში აშშ-ის წარმომადგენელმა ნიკი ჰეილიმ, რომელიც ტრამპის ადმინისტრაციამ დანიშნა, აშშ-ს მოუწოდა რუსეთის მუქარას სერიოზულად მოეკიდონ, - ამის შესახებ BBC იუწყება.

როგორც ჰეილიმ NBC-ის მიცემულ ინტერვიუში განუცხადა, ამერიკა რუსეთს ვერ ენდობა და არც არასდროს უნდა ენდოს. 

მედია საშუალების ინფორმაციით, ნიკი ჰეილის რუსეთთან მიმართებაში გაცილებით უფრო მტკიცე და მკაცრი პოზიცია აქვს, ვიდრე ქვეყნის პრეზიდენტს. ტრამპი მუდამ იმეორებდა, რომ მას და მის ადმინისტრაციას მოსკოვთან ურთიერთობის მოგვარება უფრო შეუძლია, ვიდრე ბარაკ ობამას.

ცნობისთვის, ამერიკის შეერთებული შტატების იუსტიციის დეპარტამენტმა yahoo-ს ანგარიშებზე განხორციელებული კიბერშეტევებისთვის რუსეთის 4 მოქალაქეს, მათ შორის რუსეთის უსაფრთხოების ფედერალური სამსახურის ორ ოფიცერს ბრალი წაუყენა.

თებერვლის დასაწყისში ჰეილიმ განაცხადა, რომ რუსეთის მიმართ დაწესებული სანქციები ძალაში მანამ იქნება, ვიდრე ყირიმი უკრაინას არ დაუბრუნდება და რუსეთი მინსკში დადებულ შეთანხმებას არ შეასრულებს.

შეგახსენებთ, რომ ნიკი ჰეილი გაეროში იანვრის თვეში წარადგინეს, მას მხარი 99 სენატორმა დაუჭირა, 4 წინააღმდეგი იყო. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა

რუსეთთან ურთიერთობების საკითხში მთავრობის წარმომადგენლად გიორგი ზურაბაშვილი დაინიშნა

უვადო პატიმრობა მიესაჯა 22 წლის თამაზ მთივლიშვილის მკვლელობაში ბრალდებულ გიორგი პაპაშვილს