საქართველოს ეკონომიკას სულ უფრო მეტი საერთაშორისო ინვესტორი ენდობა, რომლებიც ჩვენს ქვეყანას კარგ ბიზნეს გარემოდ განიხილავს, - ამის შესახებ ფინანსთა მინისტრის მოადგილე ნიკოლოზ გაგუამ 2016 წელს პირდაპირი უცხოური ინვესტიციების მაჩვენებლის კომენტირებისას განაცხადა.

„საქსტატის" მიხედვით, 2016 წელს წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2016 წელს 1,645 მლრდ აშშ დოლარი შეადგინა, რაც 22 პროცენტით აღემატება 2015 წლის წინასწარ და 5 პროცენტით - ამავე წლის დაზუსტებულ მონაცემებს.
 
ფინანსთა მინისტრის მოადგილის, ნიკოლოზ გაგუას განცხადებით, აღსანიშნავია, რომ საქართველოს ეკონომიკა, 2014 წლიდან მოყოლებული, სტაბილურად ინარჩუნებს პირდაპირი უცხოური ინვესტიციების 1,5-მილიარდ აშშ დოლარზე მაღალ მაჩვენებელს.
პირდაპირი უცხოური ინვესტიციების ძირითადი ზრდაში ძირითადი როლი შემდეგ სექტორებმა ითამაშეს: ენერგეტიკა (64%-ით მეტი წინა წელთან შედარებით); ტრანსპორტი და კავშირგაბმულობა (10,3%-იანი ზრდა); დამამუშავებელი მრეწველობა (80%-იანი ზრდა); მშენებლობა (47%-იანი ზრდა).

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალასი: საქართველო დემოკრატიის უკუსვლიდან შემობრუნების არანაირ ნიშანს არ აჩვენებს

ზელენსკის თქმით, დრუჟბას ნავთობსადენი ოპერაციების განახლებისთვის მზადაა

იოზვიაკი წერს, რა განიხილეს EU-ის მინისტრებმა დღევანდელ შეხვედრაზე საქართველოზე

ტრამპის თქმით, თუ ირანთან სამშვიდობო შეთანხმების მიღწევა არ მოხდება, მაშინ აშშ დაბომბვას განაახლებს