|
2017-03-04 16:26:17, 849 ნახვა
რეგიონი
ხიჭაურში ახალი ბაღი აშენდება
აჭარის ა.რ. მთავრობის თავმჯდომარე ზურაბ პატარაძე შუახევის მუნიციპალიტეტს ეწვია და ახალი ბაღის სამშენებლო სამუშაოებს გაეცნო. ხიჭაურში მიმდინარე სამუშაოები რეგიონის ხელმძღვანელს მუნიციპალიტეტის გამგებელმა ტარიელ ებრალიძემ და გამგებლის პირველმა მოადგილემ ავთანდილ დიასამიძემ გააცნეს. აჭარის მთავრობის პრესსამსახურის ინფორმაცით, ხიჭაურის საჯარო სკოლის მიმდებარე ტერიტორიასთან ახლოს საბავშვო ბაღის მშენებლობა მიმდინარე წელს დაიწყო. პროექტის ფარგლებში აშენდება ორსართულიანი შენობა. მოეწყობა საძინებლები, გასართობი ოთახები, სველი წერტილები, სამზარეულო, დამონტაჟდება ცენტრალური გათბობის თანამედროვე სისტემა. შენობა ადაპტირებული იქნება შშმ პირთათვის. ახალი, თანამედროვე სტანდარტების შესაბამისი ხიჭაურის ბაგა-ბაღი ექსპლუატაციაში 2017 წლის 1 ოქტომბერს შევა და 50-ზე მეტ აღსაზრდელს მოემსახურება. დასაქმდება 10-ზე მეტი ადგილობრივი კადრი. პროექტის ფარგლებში კეთილმოეწყობა ეზოც. ამ ეტაპზე შენობის საძირკველი შენდება. მშენებლობაზე 219 870 ლარი დაიხარჯება. მშენებლობის დასრულების შემდეგ მოსახლეობას წლების განმავლობაში არსებული პრობლემა მოუგვარდება, რაც ხიჭაურის ტერიტორიაზე საბავშვო ბაღის არარსებობას უკავშირდებოდა. ხიჭაურის ტერიტორიიდან სკოლამდელ დაწესებულებაში ბავშვების ტარებას ბევრი ოჯახი შორი მანძილის გამო ვერ ახერხებდა. შუახევის მუნიციპალიტეტში სულ 6 ბაგა-ბაღი ფუნქციონირებს. მალე ექსპლუატაციაში შევა შუბნისა და ფურტიოს ბაგა-ბაღები. ხიჭაურის ბაგა-ბაღის მშენებლობასთან ერთად პარალელურად, ჩანჩხალოსა და ჭალა-წყაროთის ბაგა-ბაღების მშენებლობებიც მიმდინარეობს.
(NS)
|
რედაქტორის რჩევით
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
ომი უკრაინაში
აზოვის ზღვაში უკრაინელებმა ხორბლის გადამზიდავი ჩაიძირეს
რუსეთის მიერ ოდესის დაბომბვის შედეგად დაიჭრა 11 ადამიანი, მათ შორის ერთი ბავშვი
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)