რუსეთის საგარეო საქმეთა სამინისტრო აფხაზეთის და სამხრეთ ოსეთის დამოუკიდებლობასთან დაკავშირებით, საქართველოს პრემიერ-მინისტრის სპეციალური წარმომადგენლის ზურაბ აბაშიძის განცხადებას სპეკულაციად აფასებს, - ამის შესახებ ინფორმაციას "რია-ნოვოსტი" რუსეთის საგარეო მინისტრის მოადგილეზე, გრიგორი კარასინზე დაყრდნობით ავრცელებს. 

როგორც კარასინმა აღნიშნა, მსგავსი სპეკულაციები პერიოდულად ჩნდება, თუმცა რაზეა ისინი დაფუძნებული, ძნელი სათქმელია.

მისივე თქმით, საუბარია საკმაოდ მოუქნელ მცდელობებზე, რომლის მეშვეობითაც საქართველოს სურს მეზობელ ქვეყნებს, რუსეთზე ნეგატიური წარმოდგენა შეუქმნას. 

"აფხაზეთისა და სამხრეთ ოსეთის რესპუბლიკები სუვერენული, დამოუკიდებელი სახელმწიფოებია, რომლებთანაც რუსეთის ფედერაციას კეთილმეზობლური და მეგობრული ურთიერთობები აქვს. ეს ჩვენი პოზიციაა და ის ხელშეუხებელი. გთხოვთ, დაიმახსოვროთ ეს ერთხელ და სამუდამოდ“, - განაცხადა კარასინმა.

ცნობისთვის, რუსეთის საგარეო საქმეთა სამინისტროში ეს კომენტარი ზურაბ აბაშიძის განცხადებას მოჰყვა. საქართველოს პრემიერ-მინისტრის სპეციალური წარმომადგენლის თქმით, რუსეთი ადრე თუ გვიან აფხაზეთის დამოუკიდებლობის გადაწყვეტილებას გაიწვევს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკი მოსწავლეებისთვის- 10+ პროექტი, 600+ სტიპენდიატი 70 000 + ბენეფიციარი

თიბისი კაპიტალი საქმიანობას თიბისი ბანკის სტრუქტურაში გააგრძელებს

ნაციონალური მოძრაობა საკონსტიტუციო სასამართლოს მოსამართლეთა კოლეგიის აცილებას ითხოვს

საკონსტიტუციო სასამართლოში პროდასავლური ოპოზიციური პარტიების აკრძალვის პროცესი დაიწყო