საპარლამენტო უმრავლესობის წევრის ნუკრი ქანთარიას განცხადებით, „ნაციონალური მოძრაობის“ მიზანია, უსაფრთხოების სამსახური „ბრმა და ყრუ იყოს“.

ამის შესახებ მან პარლამენტის პლენარულ სხდომაზე განაცხადა, სადაც ფარული საგამოძიებო მოქმედებების შესახებ კანონპროექტთა პაკეტის  განხილვა მიმდინარეობს:

„აშკარად გამოიკვეთა ორი ურთიერთსაპირისპირო ამოცანა. ერთია- უმცირესობის ამოცანა, რომ უსაფრთხოების სამსახური იყოს ბრმა, ყრუ და ეს შედის თქვენს ფუნქციაში სამწუხაროდ და როდესაც „ნაციონალური მოძრაობა2“ მიხვდა, რომ ამ ამოცანას ვერ შეასრულებს, დამიჯერა და დიდი მადლობა მინდა ვუთხრა, რომ წავიდა სახლში. რაც შეეხება დედა „ნაციონალური მოძრაობის“ წარმომადგენლებს, მათ გააგრძელეს ეს შრომა. ბატონო რომან, სერიოზული კაცი ბრძანდებით და თქვენმა ბავშვური აღტკინებით კითხვებმა გაოცება  გამოიწვია ჩემში და ერთი აზრიც კი დამებადა- ერთი კარგი გასაღები სათამაშო  ხომ არ გადმოგცეთ თქვენ, რომ დაწყნარდეთ?! ის წუხილები, რასაც თქვენ ახლა აქ ამბობდით,  უფრო სხვა მხარესაა. იყო მოსმენების დროც, დასმენების დროც და არ მახსოვს თქვენი ხმამაღალი სიტყვა, სახალხო ფრონტის დროს მესმოდა, მაგრამ მერე- იყო სადისტურად გამწარებული ხალხი,  მოსმენები, მაგრამ  თქვენი კომპეტენტური აზრი არ გამიგია“,-მიმართა ნუკრი ქანთარიამ „ნაციონალური მოძრაობის“ წევრ რომან გოცირიძეს.

პარლამენტის პლენარულ სხდომაზე კანონის პროექტს „საჯარო სამართლის იურიდიული პირის - საქართველოს ოპერატიულ-ტექნიკური სააგენტოს შესახებ“ მეორე მოსმენით განიხილავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს

ძმები ფეიქრიშვილების დედა, ნინო აბრამიშვილი - შვილები არ მომიკვდეს მე კამერაში. იცოდეთ შვილები არ მომიკვდეს

ადვოკატი - დავით ფეიქრიშვილს ფიზიკური დაზიანებები აქვს, გოგამ თვითდაზიანება მიიყენა

კობახიძე - ოპოზიციური პარტიების აკრძალვა პირველ რიგში, ქართველი ხალხის ინტერესებშია, მათ შორის მათი ამომრჩევლის