თბილისში მდებარე პარლამენტის შენობასთან „რუსთავი2“-ის მხარდამჭერი აქცია მიმდინარეობს. შეკრებილებს სიტყვით „რუსთავი2“-ის გენერალური დირექტორის მოადგილემ ზაალ უდუმაშვილმა მიმართა:

„თქვენ რომ გიყურებთ ასე ერთად შეკრებილებს, დარწმუნებული ვარ, რომ „რუსთავი2“-ს და ამ ქვეყანაში სიტყვის თავისუფლებას საფრთხე აღარ ემუქრება. 2 წელია უკვე გაუსაძლის პირობებში გვიწევს მუშაობა. მუდმივი შანტაჟი, მუქარა, ყადაღა, წნეხი. იმ უთანასწორო ბრძოლაში ვართ ჩართული, მაგრამ ჩვენ ერთი წუთითაც არ დაგვიხევია უკან და ერთი ნაბიჯი არ გადაგვიდგამს უკან. თუმცა, ყველაფერს ზღვარი აქვს, ჩვენ დღეს ერთად უნდა ვუთხრათ ხელისუფლებას, რომ ვერასოდეს ვერ შეეხებით ამ ქვეყანაში სიტყვის თავისუფლებას . „რუსთავი2“ თუ დაეცა, ეს არ იქნება მხოლოდ ერთი ტელევიზიის დაცემა, ეს ნიშნავს იმას, რომ ხვალ უკვე თითოეული ჩვენთაგანის ოჯახებში შემოვლენ და რასაც უნდათ იმას გააკეთებენ და სივრცე აღარ იქნება დატოვებული, რომ თქვენი პრობლემები გააშუქონ“,-აღნიშნა ზაალ უდუმაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა

არაბთა გაერთიანებულ საამიროებში საჰაერო მიმოსვლაზე დაწესებული ყველა შეზღუდვა მოხსნეს

ზელენსკი: გუშინ ბელარუსის მხრიდან საზღვარზე საკმაოდ უჩვეულო აქტივობა შეინიშნებოდა, საჭიროების შემთხვევაში, რეაგირებას მოვახდენთ