მეუფე პეტრე: შორენა თეთრუაშვილი ეკლესიისა და სახელმწიფოებრიობის მტრების პოზიციას წარმოადგენს

2017-02-17 15:48:34, 2224 ნახვა

საზოგადოება კომენტარი

ჭყონდიდის მიტროპოლიტ, მეუფე პეტრეს განცხადებით, ათწლეულების განმავლობაში, ქვეყანასა და ეკლესიაში პატრიარქის მდივან-რეფერენტის შორენა თეთრუაშვილის მმართველობა ყველაზე დიდი ტრაგედიაა.

როგორც მეუფემ აღნიშნა, შორენა თეთრუაშვილი საქართველოს ეკლესიის მტრების პოზიციას წარმოადგენს.

„დღემდე იბრძვის ის ძალები, რომლებმაც ქვეყანასა და ეკლესიაში მსგავსი მმართველობა დაამკვიდრეს. სამწუხაროდ, ამ ქალის მმართველობა ათწლეულების მანძილზე, დღემდე ყველაზე დიდი ტრაგედიაა და არსებული საუკუნის პრობლემას ქართველი ერი, ქრისტეს მოსიყვარულე, სახელმწიფოებრივად მოაზროვნე ადამიანები, აუცილებლად მივიყვანთ ბოლომდე. შორენა ქართული ეკლესიისა და საქართველოს სახელმწიფოებრიობის მტრების პოზიციას წარმოადგენს, ამას მთელი პასუხისმგებლობით ვაცხადებ“, - აღნიშნა მეუფე პეტრემ.

ცნობისთვის, ტელეკომპანია "რუსთავი 2“-მა სანდო წყაროზე დაყრდნობით გაავრცელა ინფორმაცია, რომ დეკანოზ გიორგი მამალაძის საქმეში არსებულ ფარულ ჩანაწერებში, საუბარი შორენა თეთრუაშვილს ეხება და არა დაკავებულ მოძღვარს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან