„ვენდობი ჩვენი უსაფრთხოების სამსახურებს, ნამდვილად პატივს ვცემ ბატონ ვახტანგ გომელაურს, რომელიც იმდენად  წესიერია, რომ თქვენც ვერაფერს ამბობთ მის პიროვნებაზე“,-ასე მიმართა ადამიანის უფლებათა დაცვის კომიტეტის თავმჯდომარემ სოფო კილაძემ  საპარლამენტო ოპოზიციას.

კილაძის თქმით, საქართველო  დემოკრატიული გზით მიდის და „ნაციონალური მოძრაობა“   ქვეყნის წარსულში დაბრუნებას ვერ  შეძლებს.

„ჩემო ძვირფასებო ძალიან კარგად ხვდება საზოგადოება  რასთან აქვს საქმე.  მე გაგახსენებთ ერთ ძალიან კარგ მაგალითს. როდესაც  მეორე არჩევნები დადგა „ნაციონალური  მოძრაობის“ წინაშე,  მეორე არჩევნებზე მოგიწიათ თქვენ გაყალბება და ეს არახალია. ამაზე მარტო ჩვენ არ ვსაუბრობთ,  მთელი დასავლური საზოგადოება საუბრობდა. ჩვენს შემთხვევაში საკონსტიტუციო უმრავლესობით მოვედით და ეს არის ყველაზე დიდი დადასტურება იმისა, რომ ნამდვილად გვენდობა საზოგადოება. ჩვენ ყველაფერს გავაკეთებთ იმისთვის, რომ ეს ნდობა ბოლომდე გავამართლოთ. დღევანდელი პროექტი სწორედ ამის დადასტურება არის.

მე ვენდობი ჩვენი უსაფრთხოების სამსახურებს  და პატივს ვცემ ყველა იმ ადამიანს, რომელიც მართლა 24 საათიან რეჟიმში ქვეყნის უსაფრთხოებას და ადამიანის უფლებებს იცავს. ნამდვილად პატივს ვცემ უსაფრთხოების სამსახურის უფროს ბატონ  ვახტანგ გომელაურს, რომელიც  იმდენად წესიერია, რომ  თქვენც ვერაფერს ვერ ამბობთ  მის პიროვნებაზე და საერთოდ ვერაფერს ვერ იძახით მასზე. მე მჯერა იმის, რომ ჩვენი ხელისუფლება მიდის დემოკრატიული, სამართლებრივი სახელმწიფოს გზით და თქვენ ნამდვილად ვერ შეძლებთ იმას, რომ ჩვენი ქვეყანა უკან დაბრუნდეს ისევ წარსულში. დარწმუნებული ვარ, რომ ეს პროექტი, რომელიც წარმოდგენილია  დღეს იქნება ის ოქროს შუალედი,  რომელიც უზრუნველყოფს როგორც უსაფრთხოების, ასევე ადამიანის უფლებების მაქსიმალურ დაცვას, რომელიც შეესაბამება აბსოლუტურად იმ დასავლურ სტანდარტებს, რომელიც მოქმედებს ჩვენს მეგობარ ქვეყნებში“,-განაცხადა სოფო კილაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ

გავრილოვის ღამის ერთ ეპიზოდთან დაკავშირებით საქართველომ სტრასბურგის სასამართლოში დავა წააგო