კახი კალაძე: შესაძლოა, 5 წლის ბავშვი თავისი ფიზიკური მონაცემებით იყოს დაჩაგრული, როდესაც სკოლაში 6 წლის ბავშვებთან შევა

2015-03-30 18:58:56, 532 ნახვა

საზოგადოება

ენერგეტიკის მინისტრი, ვიცე-პრემიერი, კახა კალაძე თავის ვიდეოდიალოგში ინტერნეტმომხმარებლის კითხვებს პასუხობს. ერთ-ერთ კითხვაზე-უნდა შევიდეს თუ არა 5 წლის ბავშვი სკოლაში, კალაძემ უპასუხა, რომ ეს თემა ძალიან სენსიტიურია და მათი გუნდის პოზიცია უახლოეს მომავალში გახდება ცნობილი.
"ამ თემასთან დაკავშირებით ძალიან ბევრი მითქმა-მოთქმა იყო. არის განსხვავებული შეხედულებები, თუმცა ჩვენ ვმსჯელობთ ამ კონკრეტულ თემაზე, იმ ინიციატივაზე, რომელიც იყო პარლამენტში წარმოდგენილი და უახლოეს მომავალში ჩვენი პოზიცია იქნება წარმოდგენილი, თუმცა რაც შეეხება 5 წლის ბავშვის სკოლაში შესვლას, ვფიქრობ, ეს ალბათ ინდივიდუალურად მშობელმა უნდა განიხილოს და უნდა მიიღოს გადაწყვეტილება შეიყვანს თუ არა 5 წლის ბავშვს სკოლაში, რადგან შეიძლება იყოს შემთხვევები, როცა 5 წლის ბავშვი თავისი ფიზიკური მონაცემებით იყოს დაჩაგრული, როდესაც შევა სკოლაში 6 წლის ბავშვებთან. ამიტომ ეს ცოტა ინდივიდუალური და ძალიან სენსიტიური თემაა და ჩვენი გუნდის პოზიციას უახლოეს მომავალში წარმოგიდენთ",-განაცხადა კახი კალაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან