ვაშინგტონში დონალდ ტრამპის საწინააღმდეგო აქციაზე 217 ადამიანი დააკავეს

2017-01-21 11:33:19, 2669 ნახვა

მსოფლიო

ვაშინგტონში, ამერიკის შეერთებული შტატების პრეზიდენტის დონალდ ტრამპის ინაუგურაციის საწინააღმდეგო აქციაზე 217 ადამიანი დააკავეს-, ამის შესახებ BBC იუწყება.

მედია საშუალების ცნობით, აქციაზე 6 სამართალდამცველი დაშავდა, რომელთაგან 2 საავადმყოფოშია გადაყვანილი.

არსებული ინფორმაციით, მათ სიცოცხლეს და ჯანმრთელობას საფრთხე არ ემუქრება.

„ანტიფაშისტურმა“ აქციამ დაძაბულობას მე-12 ქუჩაზე მიაღწია, სადაც აქტივისტებმა მოძრაობა გადაკეტეს და ლიმუზინს ცეცხლი წაუკიდეს. მომიტინგეებმა მიმდებარე ტერიტორიაზე არსებული კაფეების შუშები ჩაამსხვრიეს.

შეგახსენებთ, დონალდ ტრამპის ინაუგურაცია თბილისის დროით 21:00 საათზე გუშინ გაიმართა. ის ვაშინგტონში ათასობით მოქალაქემ გააპროტესტა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან