რუსეთის პრეზიდენტი ვლადიმერ პუტინი მედიაში გავრცელებულ ინფორმაციას გამოეხმაურა, რომლის მიხედვითაც რუსეთის სპეცსამსახურებს დონალდ ტრამპის წინააღმდეგ კომპრომატები აქვთ და ისინი ყველა ამერიკელ მილიარდერს უთვალთვალებენ.

როგორც პუტინმა აღნიშნა, მოქმედი პრეზიდენტის ბარაკ ობამას ადმინისტრაცია, დეზინფორმაციას ავრცელებს.

ამასთან, პუტინმა გავრცელებული ინფორმაცია უარყო, რომლის თანახმადაც სავარაუდოდ, მოსკოვში ვიზიტისას ტრამპს კონტაქტი რუს მეძავეებთან ჰქონდა.

„პროსტიტუცია სერიოზული, საზიზღარი სოციალური მოვლენაა, ახალგაზრდა ქალებს უწევთ ამით დაკავება მათ შორის იმ მიზეზის გამო, რომ სხვაგვარად არ შეუძლიათ ღირსეული ცხოვრების უზრუნველყოფა და ეს საზოგადოებისა და სახელმწიფოს ბრალიცაა. მაგრამ ის ხალხი, ვინც უკვეთავს ასეთ სიცრუეს, ვინც ახლა ამას აშშ-ის ახლად არჩეულ პრეზიდხენტზე ავრცელებს და ამას პოლიტიკური ბრძოლის მიზნებისათვის იყენებს, უარესია, ვიდრე მეძავეები. როდესაც ტრაპი მოსკოვს სტუმრობდა, არცკი მახსოვს ეს როდის იყო, წლების წინ, მაშინ ის პოლიტიკური მოღვაწე არ იყო. ჩვენ მისი პოლიტიკური ამბიციების შესახებ არცკი ვიცოდით. ის უბრალოდ ბიზნესმენი იყო. შეერთებული შტატებიდან ერთ-ერთი მდიდარი ადამიანი. ვინც ფიქრობს, რომ რუსეთის სპეცსამსახურები ყველა ამერიკელ მილიარდერს უთვალთვალებენ, ეს რა თქმა უნდა სრული სისულელეა. რა გამოდის, ტრამპი მოსკოვში ჩამოვიდა და უცებ გაიქცა მოსკოველ მეძავებთან შესახვედრად? ჯერ ერთი, ეს ზრდასრული მამაკაცია და მეორეც, ადამიანი, რომელიც წლების განმავლობაში სილამაზის კონკურსების ორგანიზებით იყო დაკავებული და ურთიერთობა ჰქონდა მსოფლიოს ყველაზე ლამაზ ქალებთან, მიჭირს იმის წარმოდგენა, რომ სასტუმროში გაიქცა, რათა შეხვედროდა მსუბუქი ყოფაქცევის ჩვენს გოგოებს. მიუხედავად იმისა, რომ ისინი საუკეთესოები არიან მსოფლიოში“, - განაცხადა პუტინმა.

შეგახსენებთ, რომ ტელეკომპანია CNN-ის ცნობით, რუსეთი დონალდ ტრამპის წინააღმდეგ კომპრომატებს ფლობს. მომხდარ ფაქტს ტრამპმა სოციალურ ქსელ Twitter-ში გამოეხმაურა და "სიყალბე" და "ალქაჯებზე ნადირობა" უწოდა. ტელეარხის ინფორმაციით, ტრამპის წინააღმდეგ კომპრომატებზე დაზვერვის სამსახურის ანგარიშშია საუბარი, რომელიც ობამასა და ტრამპის გარდა, სენატორებსაც გააცნეს.

რაც შეეხება რუსეთის პოზიციას, ვლადიმერ პუტინის პრესმდივნის განცხადებით, მოსკოვს მსგავსი ინფორმაცია არ აქვს და მას მაკულატურად მოიხსენიებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times