თურქული სამთავრობო მედია საშუალებები მიიჩნევენ, რომ რუსეთის ელჩის მკვლელობის ორგანიზატორი მუსლიმი მქადაგებელი ფეთჰულა გიულენია, - ამის შესახებ BBC იუწყება.

როგორც მედია საშუალებები იტყობინებიან, პეთჰულა გიულენი რუსეთისა და თურქეთის ურთიერთობების დესტაბილიზაციას ცდილობს.

თურქული გამოცემა Sabah-ი წერს, რომ რუსი დიპლომატის მკვლელობა, არის გიულენის ორგანიზაციის მიერ შექმნილი ხაფანგი. 

"მას შემდეგ რაც რუსულ-თურქული ურთიერთობები სტაბილიზაციის გზაზე დადგა, მოქმედებაში ბინძური ხრიკები შევიდა", - წერს გამოცემა.

კიდევ ერთი სახელისუფლებო სააგენტო Star-ი იტყობინება, რომ, "გიულენის მიერ გასროლილმა ტყვიამ' რუსულ-თურქული ურთიერთობები  დააზიანა.

ამასთან, მემარჯვენე-ცენტრისტული გამოცემა Hurriyet Daily რუსეთის ელჩის მკვლელობასა და ფეთჰულა გიულენს შორის კავშირს ვერ ხედავს.

როგორც გამოცემა წერს, თავდამსხმელს პოლიციელის საბუთი ჰქონდა. გამოცემის ჟურნალისტები ინტერესდებიან, როგორ გახდა შესაძლებელი, რომ ფეთჰულა გიულენის მოკავშირე სამართალდამცველი, მასობრივი დაკავებების შემდეგ სამსახურში დარჩა. გარდა ამისა, Hurriyet Daily აღნიშნავს, რომ თავდამსხმელის დაკავება, ალყაში მოქცევა,ან დაჭრა უფრო შედეგიანი იქნებოდა, რადგან სამართალდამცველები მის დაკითხვას შეძლებდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.