ამერიკის შეერთებული შტატების ახლადარჩეული პრეზიდენტის დონალდ ტრამპის კომპანია რამდენიმე დეველოპერულ პროექტში მონაწიელობას აღარ მიიღებს, - ამის შესახებ BBC იუწყება.

მედია საშუალების ინფორმაციით, Trump Organisation-მა ლიცენზირებული შეთანხმება სასტუმროების მშენებლობებთან დაკავშირებით, აზერბაიჯანიდან უკვე გამოითხოვა და იგივეს საქართველოში გეგმავს.

ტრამპის ადვოკატ ალან გარტენის განცხადებით, დეველოპერებმა აღნიშნულ ქვეყნებში ხელშეკრულებით გათვალისწინებული შესაბამისი მოთხოვნები არ შეასრულეს.

ამასთან, სააგენტო AP წერს, რომ ტრამპის ასეთი გადაწყვეტილება შესაძლოა განპირობებული იყოს, საქმიანი ურთიერთობების შეწყვეტის სურვილით, რადგან მსგავსი ურთიერთობები მის როგორც პრეზიდენტის რეპუტაციისთვის დამაზიანებელი იქნება.

ასე მაგალითად, Trump Organisation-ის პარტნიორი აზერბაიჯანში ანარ მამედოვი, ქვეყნის ტრანსპორტის მინისტრის შვილი  იყო, რომელსაც კორუფციაში ადანაშაულებენ.

მედიის ცნობით, მიმდინარე კვირაში Trump Organisation-მა 4 შვილობილი კომპანია დახურა და ასევე ბრაზილიაში ლიცენზირებული შეთანხმება გაწყვიტა.

ბრაზილიაში, აზერბაიჯანში და საქართველოში Trump Organisation-ი საკურორტო ზონაში სასტუმროების აშენებას აპპირებდა, თუმცა არცერთ ქვეყანაში მშენებლობა დასრულებული ამ ეტაპზე არ არის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times