აჭარის ჯანდაცვის მინისტრი ლევან გორგილაძე და მინისტრის მოადგილე ზურაბ თენიეშვილი შეზღუდული შესაძლებლობების მქონე პირთა საერთაშორისო დღისადმი მიძღვნილ სამეცინერო კონფერენციას დაესწრნენ.

მინისტრმა კონფერენციის მონაწილეებს სიტყვით მიმართა. ლევან გორგილაძემ საუბრისას ყურადღება გაამახვილა განსაკუთრებული საჭიროებების მქონე პირთა საზოგადოებაში ინტეგრაციის მნიშვნელობაზე და ამ პროცესის ხელშეწყობის აუცილებლობაზე.

2017 წელს აჭარის ჯანდაცვის სამინისტრო დააფინანსებს მოზრდილი მოსახლეობის სამედიცინო რეაბილიტაციას, მათ შორის შშმ პირების. გარდა აღნიშნულისა, სამინისტო გააგრძელებს 2016 წლის მოქმედ პროგრამებს, რომელიც ითვალისწინებს შეზღუდული შესაძლებლობების მქონე პირთა სამედიცინო და სოციალურ ადაპტაციას და დამხმარე საშუალებებით უზრუნველყოფას.

კონფერენციას, ასევე, ესწრებოდნენ აჭარის ა/რ უმაღლესი საბჭოს ჯანმრთელობის დაცვისა და სოციალურ საკითხთა კომისიის თავმჯდომარე ნუგზარ სურმანიძე, ბათუმის შოთა რუსთაველის სახელმწიფო უნივერსიტეტის რექტორი მერაბ ხალვაში და სოციაცია „ერთმანეთისთვის“ ხელმძღვანელი სოფიო ბაკურიძე.

კონფერენცია თემაზე - "ევროკავშირი და შეზღუდული შესაძლებლობების მქონე პირები" ა(ა)იპ „შეზღუდული შესაძლებლობების მქონე პირთა უფლებებისთვის“ ორგანიზებით, ბათუმის შოთა რუსთაველის სახელმწიფო უნივერსიტეტის, ნატოსა და ევროკავშირის შესახებ საინფორმაციო ცენტრის მხარდაჭერით გაიმართა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამართალდამცავი ორგანოების კოორდინაციის საკითხებში სახელმწიფო მინისტრის თანამდებობის შემოღებას I მოსმენით მხარი დაუჭირეს

ოცნების პარლამენტმა სუს-ის უფროსად გელა გელაძე დაამტკიცა

იუკნევიჩიენე: ანდჟეი პოჩობუტის გათავისუფლება შესანიშნავი ამბავია, მაგრამ მზია ამაღლობელი ოცნების პატიმრობაში რჩება

„წინ და წინ - ფინანსობანა" – 2026 წლის პირველი წარმოდგენა ხულოში გაიმართა