დევნილთა და განსახლების მინისტრი სოზარ სუბარი მიგრაციის საერთაშორისო ორგანიზაციის (IOM)  რეგიონულ დირექტორს  სამხრეთ-აღმოსავლეთ, აღმოსავლეთ ევროპისა და ცენტრალური აზიის ქვეყნებში არგენტინა  საბადოშს შეხვდა. 

როგორც „ექსპრესნიუსს“ ლტოლვილთა და განსახლების სამინისტროდან აცნობეს, შეხვედრას ასევე  IOM-ის საქართველოს მისიის ხელმძღვანელი  ილიანა დერილოვა ესწრებოდა.

უწყების ცნობით,შეხვედრაზე სოზარ სუბარმა დელეგაციის წევრებს  სამინისტროს საქმიანობის შესახებ ინფორმაცია მიაწოდა.

 მინისტრმა საერთაშორისო ორგანიზაციის წარმომადგენლებს მადლობა გადაუხადა ნაყოფიერი თანამშრომლობისა და გამოცდილების გაზიარებისთვის.

სოზარ სუბარის განცხადებით,  უაღრესად მნიშვნელოვანია ის დახმარება, რასაც მიგრაციის საერთაშორისო ორგანიზაცია სამინისტროს უწევს.

IOM-ის რეგიონული დირექტორის განცხადებით, შთამბეჭდავი და ინოვაციურია ის პროექტები, რასაც  მიგრაციის საერთაშორისო ორგანიზაცია სამინისტროსთან ერთად ახორციელებს.   

არგენტინა საბადოშის თქმით,  ეს პროექტები არის ერთგვარი მოდელი, რომელიც შესაძლებელია სხვა ქვეყნებმაც გაიზიარონ. 

არგენტინა საბადოში საქართველოში 28 ნოემბერს ჩამოვიდა და იმ სამინისტროების ხელმძღვანელ პირებთან მართავს შეხვედრებს, რომლებთანაც მიგრაციის საერთაშორისო ორგანიზაციას მჭიდრო და პოზიტიური ურთიერთობის გამოცდილება აქვს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო