|
2016-11-29 14:14:16, 1962 ნახვა
სამართალი
გია დგებუაძე აცხადებს, რომ ე.წ. ნავთლუღის სპეცოპერაციისას სროლების დროს ადგილზე არ იმყოფებოდა
ბრალდებულ გია დგებუაძის იგივე "მასტერას" ჩვენების თანახმად, ე.წ. ნავთლუღის სპეცოპერაციისას სროლების დროს ის ადგილზე არ იმყოფებოდა. განზრახ მკვლელობასა და უფლებამოსილების გადამეტებაში ბრალდებული დგებუაძე, სასამართლოზე დაიკითხა. ბრალდებულის ჩვენების მიხედვით, მას დათა ახალაიამ უთხრა, რომ რუსთავის ერთ-ერთი საპყრობილედან მზადდებოდა გაქცევა, უნდა ეკონტროლებინათ მურად გორგაძე და მასთან ერთად მყოფი პირები, რომლებიც შესაძლოა, შეიარაღებულები ყოფილიყვნენ. როგორც დგებუაძემ განაცხადა, იმისთვის რომ ეს პირები თვალთახედვიდან არ დაეკარგათ მან სამმართველოს თანამშრომლებზე შესაბამისი დავალებები გასცა. რაც შეეხება 2006 წლის 12 იანვრის ღამეს, დღებუაძის თქმით, ის ნავთლუღის ავტოსადგურის მიმდებარე ტერიტორიაზე მივიდა 21:00 საათისთვის და იმ პირების ვიზუალური კონტროლი უნდა მოეხდინა, რომლებსაც კუდ-ის თანამშრომელი ავტომანქანიდან ჩამოსვამდა. ბრალდებულის მტკიცებით, ახალაიას ნათქვამი ქონდა, რომ ავტოსადგურის ტერიტორიაზე იდგა სპეცრაზმი. "სუმბაძემ ჩამოსვა ეს სამი პიროვნება ავტომანქანიდან და დაემშვიდობა, მე ამ დროს ვახორციელებ მათ ვიზუალურ კონტროლს, ვდგავარ ტრასაზე, თითქოს ტაქს ველოდები. ერთ-ერთმა დაიწყო ტელეფონზე საუბარი და ამ საუბარში დაიძრნენ სამივენი ავტოსადგურის ტერიტორიის მიმართულებით, მეც გავყევი მათ. ისინი ავტოსადგურის მიმართულებით გადაადგილდებოდნენ. იქვე გავჩერდი რამდენიმე წუთით და გასროლის ხმა გავიგე. როცა გავიგე ეს ხმა, დავწექი და ხეს მოვაფარე თავი, ისე აღვიქვი, თითქოს სროლის ხმები სხვადასხვა ადგილიდან ისმოდა. ეს გრძელდებოდა დაახლოებით 20-30 წამი. დავინახე დათა ახალაიას მანქანა შევიდა ავტოსადგურის შენობასთან", - განაცხადა ბრალდებულმა. მისივე ჩვენების მიხედვით, როდესაც ის ტერიტორიაზე შევიდა, ადგილზე მყოფებმა უთხრეს, რომ იყო სამი გარდაცვლილი. როგორც დგებუაძე ყვება დათა ახალაიას შეატყო, რომ იყო აფორიაქებული და განერვიულებული. როგორც ბრალდებულმა აღნიშნა, ახალაია ესეთ შედეგს არ ელოდა. დგებუაძესთან ერთად სამი ახალგაზრდის განზრახ მკვლელობის საქმეში ბრალდებულია დათა ახალაია.
ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს
სააკაშვილი: ივანიშვილს და ოცნებას მამა გარდაეცვალა ორბანის სახით
პოპის ვარსკვლავი ბრიტნი სპირსი ალკოჰოლიზმთან საბრძოლველად რეაბილიტაციის ცენტრში დაწვა
ძლიერი საქართველო: ვულოცავთ მადიარს, უმთავრესი გაკვეთილი ცხადია, ბრძოლა ბოიკოტის მაგიერ
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
სააღდგომო ზავი“ - როგორ არღვევენ და იყენებენ მას რუსები - Deep State
უკრაინაში რუსეთის მიერ ცეცხლის შეწყვეტის შეთანხმების ასობით დარღვევა დაფიქსირდა
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)