სირიის სამთავრობო ძალებმა აღმოსავლეთ ალეპოს ტერიტორიის 40% დაიბრუნეს

2016-11-28 18:44:52, 2624 ნახვა

მსოფლიო

სირიის სამთავრობო ძალებმა ალეპოს აღმოსავლეთ ნაწილის მესამედზე მეტი დაიბრუნეს, - ამის შესახებ BBC იუწყება.

მედია საშუალების ინფორმაციით, ბაშარ ასადის ძალებმა კონტროლი ალეპოს 12 რაიონზე აღადგინეს. რუსული მხარის ცნობით, სირიის არმიამ აღმოსავლეთ ალეპოს ტერიტორიის 40% დაიბრუნა. ამასთან, როგორც რუსეთის თავდაცვის სამინისტროში აცხადებენ, აღნიშნული რაიონების მოსახლეობას ჰუმანიტარული დახმარება, ცხელი საკვები, წყალი და პირველადი საჭიროების ნივთები უკვე მიეწოდება.

BBC-ის ინფორმაციით, აღმოსავლეთ ალეპოს რაინების დაკავებას წინ უძღვოდა სამთავრობო ძალების მხრიდან ინტენსიური იერიში ამბოხებულების პოზიციებზე.

ადგილობრივი მედიის ცნობით, სამხედროები ამჟამად დაბრუნებულ ტერიტორიაზე გამნაღმვით სამუშაოებს ატარებენ და შეტევას განაგრძობენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან