ცეკვავა: სამართლებრივი სტატისტიკის შესახებ მონაცემებს „საქსტატი“ შსს-დან იღებს და ყოველ კვარტალურად აქვეყნებს

2016-11-26 15:46:50, 1052 ნახვა

კომენტარი

სამართლებრივი სტატისტიკის შესახებ მონაცემებს „საქსტატი“ შესაბამისი უწყებებიდან იღებს და ყოველ კვარტალურად საკუთარ საიტზე აქვეყნებს, - ამის შესახებ საქართველოს „საქსტატი“-ს დირექტორის მოადგილემ თენგიზ ცეკვავამ ჟურნალისტებს განუცხადა.

მისივე თქმით, აღნიშნული მონაცემები ქვეყნდება და ხელმისაწვდომია საქსტატის ვებსაიტზე.

"შინაგან საქმეთა სამინისტრო სტატისტიკის ეროვნულ სამსახურს სისტემატიურად, კვარტალური პერიოდულობით აწვდის მონაცემებს სამართლებრივი სტატისტიკის შესახებ, რაც განსაზღვრულია ქვეყნის მთავრობის მიერ სტატისტიკურ სამუშაოდ სახელმწიფო პროგრამაში მოცემული პირობებით. აღნიშნული პროგრამა გულისხმობს კვარტალური პერიოდულობით ზუსტ თარიღებში სტატისტიკური მონაცემების გამოყენებას. აღნიშნული მონაცემები ქვეყნდება და ხელმისაწვდომია საქსტატის ვებსაიტზე", - განაცხადა ცეკვავამ.

შეგახსენებთ, რომ დანაშაულის სტატისტიკის შესახებ განცხადება გუშინ პარლამენტში გაკეთდა. ოთარ კახიძემ განაცხადა, რომ რასაც არეგისტრირებს შინაგან საქმეთა სამინისტრო, შემდეგ არ აქვეყნებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან