მაღალჩინოსნებთან დაკავშირებულ პროცესებში არ ვერევით, ეს მთლიანად პროკურატურის და სასამართლოს პრეროგატივაა, - ასე უპასუხა პრემიერ-მინისტრობის კანდიდატმა გიორგი კვირიკაშვილმა დეპუტატ გედევან ფოფხაძის შეკითხვას, რომელიც წინა ხელისუფლების იმ მაღალჩინოსნების საკითხით დაინტერესდა, რომლებიც მართლმსაჯულების წინაშე არ წარმდგარან.   

„მთავრობა არ ერევა გამოძიების პროცესში. გამოძიების პროცესს წარმართავს პროკურატურა. ზოგიერთი საქმე არის სასამართლოში, ისიც უნდა ითქვას, რომ ზოგიერთი მაღალჩინოსნის მიმართ გამოყენებული იქნება თავისუფლების აღკვეთის ზომა, ამიტომ ჩვენ ამ პროცესებში ვერ ჩავერევით, არ ვერევით და ეს არის მთლიანად პროკურატურის და სასამართლოს პრეროგატივა“, - აღნიშნა კვირიკაშვილმა.

ცნობისთვის, დეპუტატმა გედევან ფოფხაძემ მთავრობას მიმართა, ყველა ქმედითი ნაბიჯი გადადგას იმისთვის, რომ წინა ხელისუფლების პოლიტიკური თანამდებობის პირები მართლმსაჯულების წინაშე წარსდგნენ და სამართლებრივი პასუხი აგონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საკრებულოების შუალედურ არჩევნებში მონაწილეობას მხოლოდ ოცნება და ლელო მიიღებს

ეკა კუპატაძე თამარ ბაჩალიაშვილის მშობლებს მხარდაჭერას უცხადებს

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე