ევროპარლამენტში თურქეთის ხელისუფლების რეპრესიული ქმედებების გამო, ქვეყანასთან მოლაპარაკებების შეჩერება მოითხოვეს

2016-11-22 23:31:39, 2120 ნახვა

მსოფლიო

მოდით, შევწყვიტოთ მოლაპარაკებები, - ამ წინადადებით გამოვიდა ევროპარლამენტის საერთაშორისო საქმეთა კომიტეტის ხელმძღვანელი ელმარ ბროკი სტრასბურგში, ევროპარლამენტის პლენარულ სესიაზე თურქეთთან დაკავშირებულ დებატებზე საუბრისას.

მისი განცხადებით, აღნიშნული გადაწყვეტილება ევროკავშირმა თურქეთის ხელისუფლების რეპრესიული ქმედებების გამო უნდა მიიღოს. მან აქვე შეურაცხმყოფელი უწოდა თურქეთის ხელისუფლების განცხადებას, რომ ევროკავშირი ტერორიზმს უჭერს მხრას.

ელმარ ბროკის წინადადებას ფედერიკა მოგერინი გამოეხმაურა, რომელმაც განაცხადა, რომ მოლაპარაკებების შეწყვეტის შემთხვევაში, ორივე მხარე წაგებულ მდგომარეობაში აღმოჩნდება. მისივე თქმით, ევროკავშირი ამის შედეგად, თანამშრომლობის მნიშვნელოვან არხს, თურქეთი კი ძალიან ბევრს დაკარგავს. მოგერინიმ აქვე მიანიშნა, რომ სიკვდილით დასჯასთან დაკავშირებული რიტორიკიდან საქმეზე გადასვლა იქნება იმის სიგნალი, რომ თურქეთს არ სურს ევროპული ოჯახის წევრობა.