ვისურვებდი, 4 წლის თავზე ნაკლებ რადიკალიზმს და მეტ სიმართლეს საქართველოს პარლამენტში, - ამის შესახებ საქართველოს პარლამენტის ახლადარჩეულმა თავმჯდომარემ ირაკლი კობახიძემ სიტყვით გამოსვლისას განაცხადა.

როგორც კობახიძემ აღნიშნა, ის ძალღონეს არ დაიშურებს იმისთვის, რომ საქართველოში პარლამენტარიზმის ტრადიციების შემდგომ განვითარებას შეუწყოს ხელი.

"კიდევ ერთხელ მინდა დაგიდასტუროთ ჩემი მზადყოფნა, რომ არ დავიშურებ ძალას იმისთვის, რომ ხელი შევუწყო საქართველოში პარლამენტარიზმის ტრადიციების შემდგომ განვითარებას და უზრუნვლეყო ის, რომ თითოეულ თქვენგანს ჰქონდეს საპარლამენტო მუშაობაში საკუთარი თავის სათანადოდ წარმოჩენის შესაძლებლობა. კიდევ ერთხელ მადლობას გიხდით ნდობისთვის", - განაცხადა კობახიძემ.

ამასთან, ირაკლი კობახიძე გამოეხმაურა დებატებს, რომელიც მის არჩევასთან დაკავშირებით გაიმართა.

"ეს დებატები შორს იყო ჯოჯოხეთისგან, თუმცა მაინც იგრძნობოდა ამ დებატებში პოსტსაარჩევნო გარემოს სპეციფიკა. დიდი მადლობა მინდა გამოგიცხადოთ ნდობისთვის. მადლობას გიხდით საქართველოს პარლამენტის თითოეულ წევრს, რომელმაც მხარი დაუჭირა ჩემს კანდიდატურას. კიდევ ერთხელ მინდა დაგიდასტუროთ ჩემი პატივისცემა პარლამენტის თითოეული წევრს, იმ წევრებს რომლებიც დრეს იყვნენ აგრესიულები ან არ იყვნენ აგრესიულები, იმ წევრებს, რომლებიც დრეს იყვნენ კონსტრუქციულები ან არ იყვნენ კონსტრუქციულები, რომლებიც საუბრობდნენ სიძულვილის ენაზე და არ საუბრობდნენ სიძულვილის ენაზე, იმ წევრებს, რომლებმაც დღეს თქვეს სიმართლე და რომლებმაც დღეს არ თქვეს სიმართლე", - განაცხადა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები