ნაციონალური კრების „რესპუბლიკური პარტიის“ წევრები საფრანგეთის პრეზიდენტს ფრანსუა ოლანდს ჟურნალისტებთან საიდუმლო ინფორმაციის გაცემაში ადანაშაულებენ და მას იმპიჩმენტით ემუქრებიან, - ამის შესახებ ინფორმაციას BBC ავრცელებს.

როგორც მედია საშუალება წერს, იმპიჩმენტის პროცედურის დაწყება ნაკლებად სავარაუდოა, ვინაიდან „რესპუბლიკური პარტია“ პარლამენტში უმცირესობაშია.

მედიის ცნობით, “რესპუბლიკელი“ დეპუტატების განცხადებით, ოლანდმა ჟურნალისტებს სირიაში საფრანგეთის შეიარაღებული ძალების შეჭრის საიდუმლო გეგმა გააცნო.

BBC-ის ინფორმაციით, ოლანდის იმპიჩმენტის შესახებ რეზოლუციას, სულ 79 დეპუტატმა მოაწერა ხელი, ხოლო მხარი სულ 152 პარლამენტარმა დაუჭირა. 

დეპუტატებს არგუმენტად გაზეთ Le Monde-ში 25 აგვისტოს გამოქვეყნებული სტატია სათაურით „დღე, როდესაც ობამამ ოლანდი მიატოვა“ მოაქვთ. 

ოლანდის ოპონენტები აცხადებენ, რომ სტატიაში საიდუმლო დოკუმენტაციის ილუსტრირება მოხდა, სადაც ზუსტად იყო აღნიშნული თუ სად განახორციელებს დარტყმებს საფრანგეთი. 

ცნობისთვის,  „რესპუბლიკელების“ ლიდერი საფრანგეთის ყოფილი პრეზიდენტი ნოკოლა სარკოზია.

შეგახსენებთ, რომ ამჟამად საფრანგეთის შეიარაღებული ძალები სირიაში „ბოევიკების“ წინააღმდეგ საჰაერო ოპერაციაში მონაწილეობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times