ჩვენ უნდა გვახსოვდეს, რომ ვართ ერთი გუნდი, არა რესპუბლიკელები, არა დემოკრატები, არამედ ამერიკელები, - ამის შესახებ აშშ-ის მოქმედმა პრეზიდენტმა ბარაქ ობამამ თეთრ სახლში სისტყვით გამოსვლისას განაცხადა. 

როგორც ობამამ აღნიშნა, მომავალი რამდენიმე თვე, აშშ-ში დემოკრატიის განვითარების მაგალითი იქნება. 

"გუშინ სენატორ კლინტონს ვესაუბრე, არ შემიძლია არ აღვნიშნო, რომ მისით ძალიან ვვამაყობ. ის ასევე, იყო საუკუთესო სახელმწიფო მდივანი. მას ძალიან ბევრი მხარდამჭერი ჰყავდა, თუმცა ჩვენ უნდა გვახსოვდეს, რომ ვართ ერთი გუნდი, არა რესპუბლიკელები, არა დემოკრატები, არამედ ამერიკელები. სწორედ ამის გააზრება სჭირდება დღეს ქვეყანას, ერთმანეთის აზრს პატივი უნდა ვცეთ. იმედი მაქვს, რომ ახლადარჩეული პრეზიდენტი თავის მოვალეობებს კარგად შეასრულებს", - განაცხადა ბარაქ ობამამ,

ამასთან, აშშ-ის მოქმედმა პრეზიდენტმა თავისი მმართველობაც შეაფასა და აღნიშნა, რომ მისი ადმინისტრაციის მუშაობით კმაყოფილია.

"დღეს ჩემს გუნდს ვუთხარი, რომ მათი მუშაობით ვარ ძალიან კმაყოფილი. მათ შეუძლიათ იამაყონ, რომ მნიშვნელოვანი როლი ითამაშეს ქვეყნის განვითარებაში. მომავალი პრეზიდენტი კიდევ უფრო ძლიერი უნდა იყოს და კარგი საქმე აკეთოს. ეს იყო რთული საარჩევნო კამპანია და არავის უთქვამს, რომ დემოკრატია მარტივია", -განაცხადა ობამამ.

აშშ-ის პირველმა პირმა ასევე ახალგაზრდებს მიმართა და ურჩია, რომ ბრძოლა გააგრძელონ.

"მივმართავ ახალგაზრდებს, რომლებიც საზოგადოებრივ და პოლიტიკურ მოღვაწეობას შეუდგნენ და რომლებიც დღევანდელი შედეგებით უკმაყოფილოები არიან და არ დანებდნენ. ბრძოლა ყოველთვის ღირს, მაშინ როცა იცი, რისთვის იბრძვი. მეც წამიგია, მაგრამ არ დავნებებულვარ. ჩვენ უნდა ვისწავლოთ შეცდომებზე, სწორედ ეს არის დემოკრატია და ამის შემდეგ ქვეყანა უკეთესობისკენ განვითარდება. ასე მოვიდა ამერიკა დღემდე. დარწმუნებული ვარ, რომ ასეც გაგრძელდება. პრეზიდენტობა არის მარათონივით, შენ ცდილობ საუკეთესო შედეგი აჩვენო და შემდეგ მორბენალს ესტაფეთა გადასცე", - განაცხადა ობამამ და იქვე საზოგადოებას მადლობა გადაუხადა.

ცნობისთვის, ბოლო მონაცემებით, „რესპუბლიკელმა“ კანდიდატმა დონალდ ტრამპმა ამომრჩეველთა კოლეგიის 289 ხმა დააგროვა, ჰილარი კლინტონს კი, 218 ხმა აქვს. გამარჯვებისთვის 270 ხმის მიღება იყო საჭირო.

რაც შეეხება ამომრჩეველთა ხმების რაოდენობას, წინასწარი შედეგებით, ჰილარი კლინტონს მხარს 59,182,659 ამერიკელი ამომრჩეველი უჭერს (47.6%), მაშინ როდესაც მის ოპონენტს, "რესპუბლიკელ“ კანდიდატ დონალდ ტრამპს 59,044, 897 ხმა აქვს (47.5%).

საბოლოო გადაწყვეტილებას ამომრჩეველთა კოლეგია მიიღებს, რომელიც შედეგებს 6 იანვარს გამოაცხადებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times