ამომრჩევლის აქტივობა არის მაღალი, მაგრამ არასაკმარისად მაღალი იმისთვის, რომ მომავალი პარლამენტი ადეკვატურად ასახავდეს ჩვენი მოსახლეობის პოზიციას, - ამის შესახებ „რესპუბლიკური პარტიის“ პირველმა ნომერმა და საქართველოს პარლამენტის თავმჯდომარემ დავით უსუფაშვილმა დღეს პარტიის ცენტრალურ ოფისში გამართულ ბრიფინგზე განაცხადა. 

როგორც უსუფაშვილმა აღნიშნა, 8 საათამდე პერიოდი არის ძალიან მნიშვნელოვანი და საზოგადოებამ აუცილებლად უნდა მიიღოს მონაწილეობა არჩევნებში. 

„კიდევ ერთხელ მინდა მივმართო ამომრჩეველს ნუ დარჩებით სახლში. მიიღეთ მონაწილეობა საქართველოს მომავლის ფორმირებაში. დავფაროთ ის დისტანცია, რომელიც არის ჩვენი სახლიდან საარჩევნო უბნამდე, იმიტომ, რომ ამ დისტანციის არ დაფარვა შეიძლება აღმოჩნდეს ძალიან მძიმე მომდევნო 4 წლის განმავლობაში“, - განაცხადა უსუფაშვილმა. 

პარლამენტის თავმჯდომარის თქმით, საზოგადოებას აქვს საშუალება არჩევანი თავისუფლად გააკეთოს. 

„შემიძლია თამამად განვაცხადო, რომ ჩვენ შევძელით არჩევნების კარგად ორგანიზება და რაც ყველაზე მთავარია, ამომრჩეველს აქვს საშუალება, თავისუფლად გააკეთოს არჩევანი, მივიდეს საარჩევნო უბანზე და მისცეს ხმა“, - განაცხადა უსუფაშვილმა. 

მისივე განმარტებით, საარჩევნო ადმინისტრაციები თავის საქმიანობას ძირითადად უმკლავდებიან, თუმცა მანვე მოუწოდა ყველა დამკვირვებელს უფრო მობილიზებული იყოს. 

​„მე მინდა მოვუწოდო მათ, რომ ბოლო საათებში და განსაკუთრებით 8 საათის შემდეგ, იყვნენ უფრო მობილიზებული. ცალკეულ ადგილებზე შეინიშნება გამოცდილების ნაკლებობა, ეს ორგანიზებას ხელს უშლის. ამ არჩევნების კარგად ჩატარება ყველა პოლიტიკური პარტიის ვალია. ჩვენ გვაქვს ინფორმაციები, სხვადასხვა ხარვეზების თაობაზე. მე ამას ჯერჯერობით ხარვეზებს ვარქმევ, ვინაიდან სერიოზულ დარღვევებზე არ და ვერ ვსაუბრობთ. ამასობაში, ჩვენი წარმომადგენლები ყველა საარჩევნო უბანზე, კიდევ უფრო დაკვირვებით მიადევნებენ თვალს შემდეგ პროცესებს“, - განაცხადა უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამართალდამცავი ორგანოების კოორდინაციის საკითხებში სახელმწიფო მინისტრის თანამდებობის შემოღებას I მოსმენით მხარი დაუჭირეს

ოცნების პარლამენტმა სუს-ის უფროსად გელა გელაძე დაამტკიცა

იუკნევიჩიენე: ანდჟეი პოჩობუტის გათავისუფლება შესანიშნავი ამბავია, მაგრამ მზია ამაღლობელი ოცნების პატიმრობაში რჩება

„წინ და წინ - ფინანსობანა" – 2026 წლის პირველი წარმოდგენა ხულოში გაიმართა