დღეს პრეზიდენტს  რამდენიმე პოლიტიკური ინსტრუმენტი გააჩნია, რომლითაც მას პარლამენტისა და მთავრობის დაბალანსება შეუძლია. თუ ჩვენ პრეზიდენტის არჩევასაც პარლამენტს მივანდობთ გამოვა, რომ მმართველი გუნდის შემკავაბელი ბერკეტები თეორიულადაც აღარ იარსებებს.  ვინაიდან, პარლამენტიც, მთავრობაც და პრეზიდენტიც ერთი გუნდის წარმომადგენლები იქნებიან - ძალთა ბალანსი აღარ გვექნება, - ასე გამოეხმაურა ვახუშტი მენაბდე ყოფილი პრემიერ-მინისტრის ბიძინა ივანიშვილის დღევანდელ განცხადებას.

„ჩვენ გადაწყვეტილება უნდა მივიღოთ იმ გამოწვევების გათვალისწინებით, რა კონტექსტშიც ვიმყოფებით. ჩვენი გამოცდილება არის მუდმივად ძალაუფლების კონცეტრაციის პრობლემა და  ისეთი ნაბიჯები უნდა გადავდგათ, რაც ძალაუფლების კონცენტრაციას შეამცირებს. პარლამენტის უმრავლესობა პრემიერ-მინისტრს ირჩევს, რაც აბსოლუტურად გასაგებია. ეს ნიშნავს, რომ საკანომდებლო ხელისუფლება აღმასრულებელ ხელისუფლებას აკომპლექტებს. განსხვავებით წმინდა საპრეზიდენტო მოდელისგან, სადაც პრეზიდენტს ირჩევს ხალხი და ის აღმასრულებელ ხელისუფლებას აკომპლექტებს, ხოლო საკანონმდებლო უწყება მისგან მკაფიოდ გამიჯნულია. ჩვენს დღევადელ ნახევრადსაპრეზიდენტო სისტემაში ხალხი პარლამენტს ირჩევს, რომელიც აღმასრულებელ ხელისუფლებისა და მთავრობის ბირთვს აკომპლექტებს. ეს ნიშნავს იმას, რომ აღმასრულებელი და საკანონმდებლო ხელისუფლება ერთი და იგივე პოლიტიკური ჯგუფისგან შედგება. ნახევრადსაპრეზიდენტო მოდელში ძალაუფლების ამგვარი გადანაწილება შეუძლებელია. დღეს პრეზიდენტს  რამდენიმე პოლიტიკური ინსტრუმენტი გააჩნია, რომლითაც მას პარლამენტისა და მთავრობის დაბალანსება შეუძლია. თუ ჩვენ პრეზიდენტის არჩევასაც პარლამენტს მივანდობთ გამოვა, რომ მმართველი გუნდის შემკავაბელი ბერკეტები თეორიულადაც აღარ იარსებებს.  ვინაიდან, პარლამენტიც, მთავრობაც და პრეზიდენტიც ერთი გუნდის წარმომადგენლები იქნებიან - ძალთა ბალანსი აღარ გვექნება. ამ შემთხვევაში ძალიან ცუდ სისტემას მივიღებთ, სადაც ძალაუფლება სრულად ერთი პოლიტიკური გუნდის ხელში იქნება, რაც აბსოლუტურად მიუღებელია. ამიტომ, პრეზიდენტის არჩევის წესი არ უნდა შევცვალოთ.  თუ ჩვენ რაიმე საკონსტიტუციო რეფორმაზე ვსაუბრობთ, ერთადერთი რაც ჩვენ გვჭირდება არის ძალაუფლების ცენტრების კიდევ უფრო დაშორიშორება და მთავრობის ფორმირებაშ საპარლამენტო უმცირესობის როლის გაძლიერება“, - აცხადებს „ექსპრესნიუსთან“ საუბრისას მენაბდე.

შეგახსენებთ, რომ  ბიძინა ივანიშვილის განცხადებით, 4 წლის განმავლობაში ყველა თანხმდებოდა, რომ პრეზიდენტის საჯარო არჩევა არ უნდა მომხდარიყო: „4 წლის განმავლობაში. ყველანი ვთანხმდებოდით, რომ საჯარო არჩევა არ უნდა მოხდეს პრეზიდენტის, როდესაც ასეთი შეკვეცილი უფლებები აქვს. როდესაც საპარლამენტო რესპუბლიკის კონსტიტუცია გვაქვს დღეს, იქ პრეზიდენტის ინსტიტუტი არსებობს, არ უნდა მომხდარიყო საერთო სახალხო არჩევა პრეზიდენტის. ეს რომ უნდა შეცვლილიყო, ამაზე შეთანხმებული ვიყავით. პრეზიდენტისთვის რომ ესიამოვნებინათ, იქნებ ახალი მეგობარი გაჩენილიყო, როგორ გაუპრავეს ის სიმახინჯე, რომ შევიდა სააკაშვილის სასახლეში, პირველი გადახტა უსუფაშვილი და გაუპრავა“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვსა და სანქტ-პეტერბურგში დრონის რეკორდული დარტყმის შემდეგ 400-ზე მეტი რეისი გაუქმდა

ეპისკოპოსი გიორგი - აზარტული თამაშები სასოწარკვეთილების, ვალებისა და ტრაგედიის წყაროდ იქცევა. ჩემი ღრმა შეშფოთებაა

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს