საქართველოს პრემიერ-მინისტრმა გაეროს  მსოფლიო ტურიზმის ორგანიზაციის გენერალურ მდივანს სამუშაო სადილზე უმასპინძლა.

მთავრობის ადმინისტრაციის პრესსამსახურის ინფორმაციით, გიორგი კვირიკაშვილმა ტალებ რიფაის ღვინის ტურიზმის პირველი გლობალური კონფერენციის ჩატარების ადგილად საქართველოს შერჩევისთვის მადლობა გადაუხადა. პრემიერის შეფასებით, ეს, საქართველოს, როგორც მეღვინეობის აკვნის საერთაშორისო იმიჯის განმტკიცების კუთხით, უდიდესი მოვლენაა.

მთავრობის მეთაურმა განაცხადა, რომ საქართველოში ღვინის დაყენების უნიკალური ტრადიციული მეთოდები, მათ შორის ქვევრში დაყენება, იუნესკოს მიერ, კაცობრიობის არამატერიალური კულტურული მემკვიდრეობის სიაშია შეტანილი.

გაეროს  მსოფლიო ტურიზმის ორგანიზაციის გენერალური მდივანი ტალებ რიფაი მიიჩნევს, რომ საქართველოში - ღვინის უძველეს სამშობლოში, რომელსაც მეღვინეობის 8 000-წლიანი ტრადიცია აქვს, ღვინის ტურიზმის განვითარების უდიდესი პოტენციალი არსებობს.

მთავრობის მეთაურმა იმედი გამოთქვა, რომ კონფერენციის სტუმრები საქართველოში სასიამოვნო დროს გაატარებენ და თავიანთ ქვეყნებში საუკეთესო შთაბეჭდილებებით დაბრუნდებიან.

ღვინის ტურიზმის პირველი გლობალური კონფერენცია, რომელშიც 42 ქვეყნის 250 დელეგატი და 150-ზე მეტი ორგანიზაცია მონაწილეობს, დღეს სრულდება.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო