რუსეთი ყველა მეზობლის მიმართ აგრესორია. ის შეიჭრა უკრაინაში, ატერორებდა ბალტიისპირებთს და ა.შ. საუბარი იმაზე, რომ მსხვერპლია დამნაშავე და არა აგრესორი მიუთითებს, რომ ივანიშვილი რუსეთისადმი ანგარიშვალდებულია, - ასე გამოეხმაურა „ნაციონალური მოძრაობის“ წევრი ნუგზარ წიკლაური ბიძინა ივანიშვილის დღევანდელ განცხადებას.

როგორც „ექსპრესნიუსთან“ საუბრისას წიკლაურმა განაცხადა, ევროპამ და ამერიკამ რუსეთს სანქციები დაუწესეს და ივანიშვილი სწორედ მთელი ამერიკისა და ევროპის წინააღმდეგია, როდესაც საომარ მოქმედებებში საქართველოს ადანაშაულებს.

„ბიძინა ივანიშვილის რწმენაა, რომ საქართველო აგრესორია და რუსეთი მსხვერპლია. ყოფილიყო პრემიერი ამბობს, რომ საქართველოს მოქმედებებმა 2008 წლის ამბები გამოიწვია. ამავდროულად, უნდა შევხედოთ, რომ რუსეთი ყველა მეზობლის მიმართ აგრესორია. ის შეიჭრა უკრაინაში, ატერორებდა ბალტიისპირებთს და ა.შ. საუბარი იმაზე, რომ მსხვერპლია დამნაშავე და არა აგრესორი მიუთითებს, რომ ივანიშვილი რუსეთისადმი ანგარიშვალდებულია, რომ ის ხელისუფლებაში მოვიდა. დღეს მთელი ცივილიზებული სამყარო შეთანხმებულია, რომ რუსეთი მეზობლების მიმართ აგრესიულ პოლიტიკას ეწევა. ევროპამ და ამერიკამ რუსეთს სანქციები დაუწესეს და ივანიშვილი სწორედ მთელი ამერიკისა და ევროპის წინააღმდეგია, როდესაც საომარ მოქმედებებში საქართველოს ადანაშაულებს. ივანიშვილის საქციელი ქვეყნის წინააღმდეგ მიამრთული ქმედებაა“, - განაცხადა წიკლაურმა.

შეგახსენებთ, რომ დღეს სამეგრელოში მედიასთან შეხვედრისას ივანიშვილმა განცხადა, რომ 2008 წელს მომხდარი მოვლენები სააკაშვილისა და მისი გუნდის უპასუხისმგებლო მოვლენების შემდეგ მოხდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო