2016-09-08 09:55:58, 578 ნახვა

---

უსუფაშვილი: საქართველო ყველაფერს გააკეთებს, რათა იყოს თანამონაწილე მშვიდობის დასამყარებლად მთელს მსოფლიოში

საქართველოს აქვს შესაძლებლობა იყოს პრაქტიკულად სრულფასოვანი მონაწილე ნატო-ს საქმიანობის, - ამის შესახებ პარლამენტის თავმჯდომარემ, დავით უსუფაშვილმა ჩრდილოატლანტიკურ საბჭოსა და საქართველოს პარლამენტის წევრების შეხვედრაზე განაცხადა.

უსუფაშვილმა ჩრდილოატლანტიკური ალიანსის გენერალურ მდივანს, იენს სტოლტენბერგს საქართველოს პარლამენტის სახელით მადლობა გადაუხადა.

„ეს არის კიდევ ერთი ნათელი დემონსტრირება იმისა, რომ ნატო-ს და საქართველოს ერთმანეთისგან მხოლოდ სქართველოს ნატო-ში წევრობა აშორებს, დანარჩენი, ჩვენ ერთად ვმუშაობთ, ერთად ვიხილავთ ნატო-ს წევრი ქვეყნების, მსოფლიოს უსაფრთხოების საკითხებს და საქართველოს აქვს შესაძლებლობა იყოს პრაქტიკულად სრულფასოვანი მოანწილე ნატო-ს საქმიანობის. ჩვენ ზუსტად ასე აღვიქვამთ ჩვენ თქვენს ჩამობრძანებას საქართველოში და ამისთვის მადლობას მოგახსენებთ. მადლობას მოვახსენებ ნატო-ს თითეულ წევრ სახელმწიფოს, რომელიც წარდმოგენილია საქართველოში და მინდა, კიდევ ერთხელ დაგარწმუნოთ, რომ საქართველო ყველაფერს გაააკეთებს, რათა იყოს თანამონაწილე უსაფრთხოების, კეთილდღეობის, მშვიდობის დასამყარებლად ჩვენს კონტინენტზე და მთელს მსოფლიოში“, - განაცხადა უსუფაშვილმა.

მისივე თქმით, საქართველოს პარლამენტს აქვს განსაკუთრებული მიზეზი, იყოს ჩართული პროცესებში, რადგან მომავალ წელს, მაისში, საქართველოში ნატო-ს საპარლამენტო ასამბლეის სესია გაიმართება.

„ეს იქნება ნატო-ს არაწევრ სახელმწიფოში, ნატო-ს საპარლამენტო მიმართულებით ერთ-ერთი ყველაზე უფრო მნიშვნელოვანი ღონისსძიება, რომელიც იქნება გარწკვეულწილად გაგარძელება ამ თანამშრომლობის ატმოსფეროსი. კიდევ ერთხელ მინდა მადლობა მოგახსენოთ სწორედ იმისთვის, რომ დღეს საქართველოში, საპარლამენტო არჩევნების ჩატარებამდე ერთი თვით ადრე ჩამობრძანდით. ეს არის ძალიან მნიშვნელოვანი ჩვენთვის, საქართველოს პოლიტიკური პარტიების უმრავლესობისთვის, ვისთვისაც კითხვა დგას არა ასე - კი თუ არა ნატო-ში ინტეგრაციას, არამედ საკითხი დგას ასე - რომელი გზაა უფრო მოკლე და უფრო ეფექტური, რომ საქართველო გახდეს ნატო-ს სრულუფლებიანი წევრი. ჩვენი ეს საერთო პოზიცია, რომელიც გნერალურ მდივნას მოვახსენეთ დილით შეხვედრაზე, გვინდა რომ სწორად და პირდაპირ იყოს გაგებული ქართული საზოგადოების მიერ. დიდი მადლობა ჩამობრძანებისთვის და ველი ნაყოფიერ მუშაობას მომდევნო სესიის განმვალობაში“, - განაცხადა უსუფაშვილმა. 

შეგახსენებთ, რომ ჩრდილოატლანტიკური ალიანსის დელეგაცია, ნატო-ს გენერალური მდივნის ხელმძღვანელობით საქართველოში ოფიციალური ვიზიტით იმყოფება. 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი