„დავით უსუფაშვილი ბიძინა ივანიშვილს, როგორც „ქართული ოცნების“ ხელმძღვანელს დებატებში გამოიწვევს და  თუ ივანიშვილს გამბედაობა ეყოფა, „რესპუბლიკურ პარტიაზე“ იქ ისაუბროს“, - ასე გამოეხმაურა „რესპუბლიკური პარტიის“ წევრი ლევან ბერძენიშვილი ყოფილი პრემიერ-მინისტრის გუშინდელ შეფასებას.

როგორც ბერძენიშვილმა „ექსპრესნიუსს“ განუცხადა, „რესპუბლიკელებთან დაკავშირებით ექსპრემიერის განცხადებები შეცდომაა.

„ დავით უსუფაშვილი ბიძინა ივანიშვილს, როგორც „ქართული ოცნების“ ხელმძღვანელს დებატებში გამოიწვევს.  თუ ივანიშვილს გამბედაობა ეყოფა, დაჯდეს დებატებში და „რესპუბლიკურ პარტიაზე“ იქ ისაუბროს. ყოფილი პრემიერის გუშინდელი განცხადებები „რესპუბლიკელებთან“ დაკავშირებით, თავიდან ბოლომდე შეცდომაა. ილია ჭავჭავაძესთან დაკავშირებით გაკეთებული განცხადება „ასავალ-დასავალის“ ჭორაობას აყოლილ ნათქვამს გავდა. მრავალგზის მაქვს ნათქვამი, რომ ჭავჭავაძის საზოგადოებრივი მოღვაწეობა არის ბევრად მნიშვნელოვანი, ვიდრე მისი ახალგაზრობის ლექსები-მეთქი. თუ ამას ვინმე ედავება, შეედაოს. მე მომწონს და მიყვარს ილია ჭავჭავაძე, როგორც ყველა დროის ყველაზე დიდი ქართველი.  100 000-ჯერ უფრო დიდი ქართველი ილია, ვიდრე ზოგიერთს თავი რომ ჰგონია და მას თავს რომ უტოლებს.  ივანიშვილის განცხადებები არ არის სწორი და გულწრფელად ნათქვამი. ძალიან კარგად იცის ივანიშვილმა, რომ საქართველოში სახელმწიფოებრივი პარტია არის ერთადერთი. 8 ოქტომბერს არჩევნებია, ივანიშვილის აზრით, 1% ხომ გვაქვს რეიტინგი, რამდენჯერაც მეტს ავიღებთ, იმდენად დადასტურდება რისი ექსპერტია ივანიშვილი“, - აცხადებს ბერძენიშვილი.

შეგახსენებთ, ბიძინა ივანიშვილმა გუშინ მედიასთან შეხვედრისას განაცხადა, რომ „რესპუბლიკური პარტია“ არასახელმწიფოებრივა მოაზროვნე პოლიტიკური სუბიექტია და მას ამომრჩეველტა 1% უჭერს მხარს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო