საქართველოს ყოფილი პრემიერ-მინისტრის ბიძინა ივანიშვილის განცხადებით, თავადაც გრძნობს პასუხისმგებლობას იმაში, რომ "ნაციონალური მოძრაობის" ნამდვილი  გვიან გამოჩნდა.

ამის შესახებ ივანიშვილმა GDS-ის  ახალ გადაცემაში განაცხადა,  სადაც სტუმრის სტატუსით მონაწილეობს და გურიის  რეგიონის  მედიის შეკითხვებს პასუხობს.

ივანიშვილის თქმით, ვარდების რევოლუციის დროს  განვითარებული მოვლენები, მასაც ისევე ახარებდა, როგორც მთელ საქართველოს.  ექს პრემიერი აღნიშნულს მის პოლიტიკურ გამოუცდელობას აბრალებს:

"პოლიტიკურად კარგი გამოცდილება არ მქონდა, ზედმეტად ემოციური ვიყავი და კარგად მახსოვს იმ რევოლუციის დროს  საფრანგეთში ვცხოვრობდი მაშინ, სამი ტელევიზორი მქონდა დადგმული და ვუყურებდი პროცესს, როგორ შევიდნენ პარლამენტში და ა.შ. ვფიქრობ, არაადეკვატური რეაქცია მქონდა მაშინ, ზედმეტად ემოციური ვიყავი, ზედმეტად გამიხარდა და ამ გზით მოსვლაც მივიღე როგორც მიიღო მთელმა საზოგადოებამ. ორ წელიწადნახევრის განმავლობაში მე რეალურად მთელ ხელისუფლებას ვაფინანსებდი, რასაც ვმალავდით და კარგად ვფუთავდით. პირდაპირი მნიშვნელობით მე სააკაშვილს არაფერში დავხმარებივარ  და მაგას ვერც გაბედავდა, რომ პირადი რამე ეთხოვა.ჩემი აზრით, ჩემმა პოზიციამ მათი გამოაშკარავების პროცესი გაახანგრძლივა. ბევრი მქონდა ურთიერთობა სააკაშვილთან. სააკაშვილს მეტ კონსულტაციებს ვაძლევდი და მეტსაც ვეხმარებოდი. ქვების სროლით მოვდინენ, ჩემი მოუმზადებლობის და არ გაცნობიერების ბრალიც იყო ის, რომ ვცდილობდი, ისეთები ყოფილიყვნენ, როგორის სურვილიც ჩვენ გვქონდა. ამ მხრივ, მე როლი მიმიძღვის, რომ მათი სახე გვიან გამოჩნდა",-განაცხადა  ბიძინა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო