გაერო მიესალმება საფრანგეთის სახელმწიფო საბჭოს გადაწყვეტილებას ქალაქ ვილნევ-ლუბეში ბურკინის აკრძალვის შეჩერების შესახებ. გაერო მოუწოდებს იმ ქალაქების მთავრობებს, რომლებმაც მუსლიმური საცურაო კოსტუმის ტარება აკრძალეს, დაუყოვნებლივ გააუქმონ აკრძალვა.

როგორც გაერო-ს ადამიანის უფლებათა საკითხებზე მომუშავე უმაღლესი კომისრის სამმართველოს წარმომადგენელმა, რუპერტ კოლვილმა აღნიშნა, დადგენილება ბურკინის აკრძალვის შესახებ უსაფრთხოების სფეოში ვითარებას არ აუმჯობესებს, არამედ საფრანგეთში რელიგიურ შეუწყნარებლობასა და  მუსლიმთა, განსაკუთრებით ქალების, სტიგმატიზაციას აღვივებს.

"ჩვენ მოვუწოდებთ სხვა სანაპირო ქალაქებისა და კურორტების ხელისუფლებებს, დაუყოვნებლივ გააუქმონ აკრძალვა,” - განაცხადა რუპერტ კოლვილმა.

ცნობისთვის, ივლისის ბოლოს-აგვისტოს დასაწყისში საფრანგეთის სანაპიროზე მდებარე 7 ქალაქის ხელისუფლებამ მუსლიმური საცურაო კოსტუმის ტარება აკძალა. აკრძალვის დამრღვევებს პლიაჟიდან გაძევება და ჯარიმა ემუქრებოდათ.

ბოლო ორი კვირის განმავლობაში ფრანგულ რივიერაზე ბურკინის ტარებისთვის 16 ქალი დააჯარიმეს, რასაც უფლებადამცველები მუსლიმთა უფლებების დარღვევად მიიჩნევენ.

შეგახსენებთ, რომ 26 აგვისტოს საფრანგეთის ადმინისტრაციულმა სასამართლომ ქალაქ ვილნევ-ლუბეში ბურკინის აკრძალვა შეაჩერა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი აფხაზეთის ე.წ საზღვარზე საკონტროლო-გამშვები პუნქტის ფეხით მოსიარულეთა მონაკვეთს გააკეთებს

Tv pirveli: ირაკლი ღარიბაშვილთან ციხეში ადვოკატის სახელით მისი ცოლის და შევიდა

ბიზნესმენ ირაკლი რუხაძის რუსთავის ფოლადმა არმატურის ბიზნესი გაყიდა

პოლიციამ ბათუმში ორი პირის მიმართ ჩადენილ ჯანმრთელობის მსუბუქად დაზიანების ფაქტზე 2 პირი დააკავა