ექსპერტი პოლიტიკის საკითხებში სოსო ცინცაძე „ექსპრესნიუსთან“ საუბრისას გუშინ პაატა ბურჭულაძის მიერ გაკეთებულ განცხადებას გამოეხმაურა, რომლის თანახმადაც ”სახელმწიფო ხალხისთვის” ლიდერი ხელისუფლებაში მოსვლის შემთხვევაში, სოციალურად დაუცველის სტატუსის მატარებელთა რაოდენობის მილიონამდე გაზრდას გეგმავს.

ცინცაძის განცხადებით, მნიშვნელობა არ აქვს ბურჭულაძე რა დაპირებას გასცემს, რადგან ის პარლამენტში სოლიდური ფრაქციით ვერ შევა და შესაბამისად, ვერც ამომრჩევლისთვის მიცემულ პირობას შეასრულებს.

მისივე თქმით, საქართველოში ყველაფერი იყიდება და ამის ნათელი დადასტურება სწორედ „გირჩის“, ბურჭულაძის პარტიის, „ახალი მემარჯვენებისა“ და „ახალი საქართველოს“ წინასაარჩევნოდ გაერთიანება იყო.

„ჩვენთან ყველაფერი იყიდება. იგივე „გირჩზე“ არავინ არ უნდა გააკეთოს დასკვნა, რომ ისინი ურცხვად გაიყიდნენ და ტელეეკრანებთან სიწითლის ნატამალიც არ ეტყობათ? ხალხს უნდა აინტერესებდეს რას პირდება მათ მმართველი გუნდი, რომელსაც გამარჯვების რეალური შანსი აქვს. ბურჭულაძის დაპირებას მნიშვნელობა არ აქვს. მითხარით პოლიტიკოსი, რომლის ყიდვაც ივანიშვილს არ შეუძლია. ყველა და ყველაფერი იყიდება. ბურჭულაძეს სახე ჩამოსტიროდა, როდესაც „გირჩთან“ გაერთიანდა. ის „გირჩს“ საკუთარი ნებით „შეეკრა“, - განაცხადა ცინცაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა