საერთაშორისო უფლებადამცველმა ორგანიზაციებმა უკრაინის უსაფრთხოების სამსახურის საიდუმლო ციხიდან 13 პატიმრის გათავისუფლების შესახებ განაცხადეს, - ინფორმაციას BBC ავრცელებს.

Human Rights Watch-ისა და Amnesty International-ის ერთობლივი ანგარიშის თანახმად, როგორც დაკავების, ისე გათავისუფლების ფაქტი ოფიციალურად აღიარებული არ არის. ამასთან, უკრაინის უსაფრთხოების სამსახური ადამიანების გაუჩინარების პრობლემის არსებობას არ აღიარებს.

როგორც BBC უფლებადამცველებზე დაყრდნობით წერს, საიდუმლო ციხიდან 13 პატიმარი მას შემდეგ გაათავისუფლებს, რაც გამოქვეყნდა ანგარიში სათაურით "თქვენ არ არსებობთ", რომელიც უკრაინაში ადამიანებების საიდუმლო დაპატიმრებას ეძღვნება.

"ახალ ინტერვიუში ასევე დასტურდება ძალადობრივი გაუჩინარების პრაქტიკა, როდესაც უკრაინის უსაფრთხოების სამსახურის თანამშრომლებს ადამიანი მიყავდათ სასამართლო შენობიდან ან წინასწარი დაკავების იზოლატორიდან მას შემდეგ, რაც სასამართლო მისი გათავისუფლების გადაწყვეტილებას იღებს, ან იტაცებენ სახლიდან", - ნათქვამია ორგანიზაციების ერთობლივ ანგარიშში.

ორგანიზაციები აღნიშნავენ, რომ პოლიციამ "ადამიანის გაუჩინარების" ფაქტზე გამოძიებას იწყებს, თუმცა საქმის გამოძიება არაეფექტიანად მიმდინარეობს.

"დაკავებულის გათავისუფლების შემდეგ საქმეს ხურავენ, თუმცა ადამიანის საიდუმლო დაკავების ფაქტის გამოძიება არ ხდება და ვინმეს პასუხისმგებლობის საკითხი არ დგება",  - ნათქვამია ანგარიშში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ