"ისლამური სახელმწიფოს" მიერ გავრცელებულ ვიდეოში, სადაც 5 მოზარდი ტყვედ აყვანილ ქურთებს სიკვდილით სჯის, ერთ-ერთი მოზარდი მამამ ამოიცნო, - ამის შესახებ ინფორმაციას Independent ავრცელებს.

მედია საშუალების ინფორმაციით, 13 წლის მოზარდი წარმოშობით ბრიტანელია.

როგორც მოზარდის მამა აცხადებს, ბავშვი ბრიტანეთში დაიბადა, მაგრამ 2013 წელს განქორწინების შემდეგ, მოზარდი დედასთან და მამინაცვალთან ერთად სირიაში გადავიდა საცხოვრებლად. მისივე ინფორმაციით, მამინაცვალი "ისლამური სახელმწიფოს" მხარდამჭერი იყო და მის ხელტ არსებული ინფორმაციით, 2015 წელს ერთ-ერთი შეტაკების დროს გარდაიცვალა.

მოზარდის მამის თქმით, რომელიც ანონიმურობის დაცვას ითხოვს, ბიჭი სირიაში წასვლამდე იყო ნორმალური , ჩვეულებრივად იქცეოდა, თუმცა ამაზრზენია ის, რომ მას თვინი "გამოურეცხეს".

ამასთან, ვრცელდება ინფორმაცია, რომ მოზარდს "ისლამურ სახელმწიფოში" გაწევრიანებას დედამისიც უჭერდა მხარს.

მედიის ცნობით, მოზარდის დედა, სალი ჯონსი, ახლა ცნობილია როგორც უმ ჰუსეინ ბირტანია. მას ასევე, "თეთრ ქვრივს" ეძახიან. აღსანიშნავია, რომ სალი ჯონსი "ისლამური სახელმწიფოს" ერთ-ერთი ყველაზე საშიში და გავლენიანი ტერორისტია, რომელიც სხვადასხვა ტერაქტების ერთ-ერთი მტავარი ორგანიზატორია.

შეგახსენებთ, „ისლამურმა სახელმწიფომ“ ახალი ვიდეორგოლი გაავრცელა, სადაც ხუთი მოზარდი ტყვედ აყვანილ ქურთებს სიკვდილით სჯის. მოზარდების ასაკი 10-დან 13 წლამდეა. ვიდეო რაქაშია გადაღებული. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ