თურქეთში ოპოზიციის ლიდერის, "რესპუბლიკური პარტიის" ხელმძღვანელის ქემალ ქილიჩდაროღლუს კორტეჟს ცეცხლი გაუხნეს, - ამის შესახებ Hurriyet იუწყება.

მედია საშუალების ინფორმაციით, ინციდენტი თურქეთის ჩრდილოეთ ნაწილში, ქალაქ ართვინში მოხდა. პოლიტიკოსის დაცვამ თავდამსხმელებს საპასუხო ცეცლხი გაუხსნა.

როგორც CNN Turk იუწყება, თავდასხმის შედეგად ოპოზიციონერი არ დაშავებულა. შემთხვევის ადგილზე ჟანდარმერიის დანაყოფები მივიდნენ.

ცნობისთვის, მაისში თურქეთის გენერალურმა  პროკურატურამ ქილიჩდაროღლუს წინააღმდეგ გამოძიება დაიწყო. ამის მიზეზი პოლიტიკოსის განცხადება გახდა, რომლის გამოც ხელისუფლებამ ის ძალადობისკენ წაქეზებაში დაადანაშაულა. ოპოზიციის ლიდერმა მაშინ განაცხადა, რომ მმართველი პარტია მმართველობის საპრეზიდენტო სისტემაზე სისხლისღვრის გარეშე ვერ გადავა.

სახელმწიფო გადატრიალების მცდელობის შემდეგ, "რესპუბლიკური პარტიის" ლიდერმა განაცხადა, რომ თურქეთის ხელისუფლებამ “კუდიანებზე ნადირობა” უნდა შეწყვიტოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ

გავრილოვის ღამის ერთ ეპიზოდთან დაკავშირებით საქართველომ სტრასბურგის სასამართლოში დავა წააგო