ქაბულში ამერიკულ უნივერსიტეტთან სროლის ხმა ისმის

2016-08-24 19:41:43, 2151 ნახვა

მსოფლიო

ქაბულში ამერიკული უნივერსიტეტის მახლობლად აფეთქება მოხდა, რის შემდეგადაც შენობასთან სროლა დაიწყო, - ამის შესახებ BBC ადგილობრივ პოლიციაზე დაყრდნობით იტყობნება.

მედიის ცნობით, ადგილზე სპეცრაზმია მობილიზებული. უნივერსიტეტთან სასწრაფო დახმარების რამდენიმე მანქანაც მივიდა. მსხვერპლის შესახებ ინფორმაცია ჯერ არ გავრცელებულა.

ამასთან, ერთ-ერთი სტუდენტის ინფორმაციით, მოსწავლეები შენობიდან გასვლას ვერ ახერხებენ.

ავღანეთის დედაქალაქში ამერიკული უნივერსიტეტის მახლობლად ასევე გენერალური პროკურატურისა და პარლამენტის შენობები მდებარეობს.

ცნობისთვის, ავღანეთში ამერიკული უნივერსიტეტი 2006 წლიდან მოქმედებს. სასწავლებელში ათასზე მეტი სტუდენტი სწვალობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან