ექსპერტი პოლიტიკის საკითხებში გია ხუხაშვილი მიიჩნევს, რომ პრეზიდენტმა გიორგი მარგველაშვილმა კონსტიტუციაში ქორწინების ცნების განსაზღვრასთან დაკავშირებით რეფერენდუმის ჩატარებაზე უარის თქმით, საკუთარი ნდობის კრედიტი დახარჯა.

როგორც ხუხაშვილმა „ექსპრესნიუსს“ განუცხადა, პრეზიდენტი გადაწყვეტილების მიღების პროცესში მოიქცა არა როგორც პოლიტიკოსი, არამედ როგორც საზოგადო მოღვაწე - თავისი ფასეულობების სისტემის შესაბამისად.

„პრეზიდენტის მხრიდან რეფერენდუმის ჩატარებაზე უარის თქმა არ იყო გასაკვირი. რაც შეეხება საკუთრივ ამ გადაწყვეტილება, პრეზიდენტი ამ სიტუაციაში მოიქცა არა როგორც პოლიტიკოსი, არამედ როგოც საზოგადო მოღვაწე - თავისი ფასეულობების სისტემის შესაბამისად. პრეზიდენტმა ამ სიტუაციაში, ისედაც საკმაოდ მყიფე ნდობის კრედიტი პოლიტიკური გაგებით, საკმაოდ არასწორად დახარჯა. შესაძლო პოლიტიკური კრიზისის პერიოდში მარგველაშვილისთვის ნდობის ხარისხი, როგორც კრიზის მენეჯერისთვის საჭირო იყო. ჩემი აზრით, პრეზიდენტმა ამ გადაწყვეტილებით რეფერენდუმის ჩატარების ინიციატორები კიდევ უფრო გააძლიერა.  აქედან გამომიდნარე, პრეზიდენტს შეეძლო პატივი ეცა იმ ადამიანებისთვის, რომლებიც რეფერენდუმის ჩატარებას ითხოვდნენ. მიუხედავად იმისა, რომ მარგველაშვილს განსხვავებული ღირებულებები გააჩნია. გარდ ამისა, მარგველაშვილს შეეძლო რეფერენდუმის ჩატარება აეცილებინა პოლიტიკური დღის წესრიგისთვის და ის იანვარში დაენიშნა. ამით პრეზიდენტი თავიდან აიცილებდა იმას, რომ არჩევნების წინ რეფერენდუმის არჩატარება არ გახდებოდა განსახილველი თემა და ინიციატორებში სიძულვილს არ გამოიწვევდა. ეს ყველაფერი გიორგი მარგველაშვილის ლეგიტიმაციას ასუსტებს. შესაბამისად, მე შემიძლია, მარგველაშვილის პოზიცია გავიზიარო, როგორც საზოგადო მოღვაწის გადაწყვეტილება, მაგრამ პოლიტიკურად, მცდარი ნაბიჯი იყო, რაც, სამწუხაროდ,  გარკეული პერიოდის შემდეგ გამოჩნდება“, - განაცხადა ხუხაშვილმა.

შეგახსენებთ, რომ ქორწინების საკითხზე რეფერენდუმი არ ჩატარდება - გადაწყვეტილება ამის თაობაზე საქართველოს პრეზიდენტმა გიორგი მარგველაშვილმა სპეციალურ ბრიფინგზე გაახმოვანა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის მოქალაქეს მონაკოს პრინცის ნათესავის მკვლელობაში ბრალი წაუყენეს

ჩქაროსნული მატარებლების ავარიის გამო, ესპანეთში სამდღიანი გლოვა გამოცხადდა

ესპანეთის ყოფილი შრომის მინისტრი ავარიისას ერთ-ერთ მატარებელში იმყოფებოდა, სავარაუდოდ, გარდაიცვალა

ზელენსკიმ სამშვიდობო შეთანხმების დადებისას პირველად შესთავაზა რუსეთს უსაფრთხოების გარანტიები