შსს-ს წარმომადგენლებმა არჩევნების უსაფრთხოების საკითხებზე სამუშაო შეხვედრაში მონაწილეობა მიიღეს

2016-08-02 10:51:54, 1374 ნახვა

სამართალი

შინაგან საქმეთა სამინისტროს წარმომადგენლებმა არჩევნების უსაფრთხოების საკითხებზე სამუშაო შეხვედრაში მიიღეს მონაწილეობა

შსს-ს ინფორმაციით, შინაგან საქმეთა სამინისტროს წარმომადგენლებმა ცენტრალურ საარჩევნო კომისიაში არჩევნების უსაფრთხოების უზრუნველყოფის მიმართულებით გამართულ სამუშაო შეხვედრაში მიიღეს მონაწილეობა.

მათივე ცნობით, შეხვედრას ცესკო-ს, საარჩევნო ადმინისტრაციის სწავლების ცენტრის, საარჩევნო სისტემების საერთაშორისო ფონდის წარმომადგენლები და ექსპერტები ესწრებოდნენ.

სამუშაო შეხვედრას საარჩევნო უსაფრთხოების საკითხების ექსპერტი და (IFES) -ის აზია-წყნარი ოკეანის რეგიონული დირექტორი ვასუ მოჰანი უძღვებოდა.

მონაწილეებმა არჩევნების უსაფრთხოების უზრუნველყოფის მიმართულებით სახელმძღვანელო ინსტრუქციის კონცეფცია განიხილეს, რომელზეც საარჩევნო ადმინისტრაციისა და შინაგან საქმეთა სამინისტროს წარმომადგენლები მუშაობენ.

შეხვედრა, ცესკო-ს ინიციატივით, შინაგან საქმეთა სამინისტროსთან თანამშრომლობითა და საარჩევნო სისტემების საერთაშორისო ფონდის ( IFES) -ის მხარდაჭერით გაიმართა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან