|
2016-07-28 14:09:19, 1210 ნახვა
სამართალი
მოსამართლე: პროკურატურაში კონკრეტული მოსამართლის გვარს დავასახელებ
საკონსტიტუციო სასამართლოს მოსამართლე ქეთევან ერემაძე პროკურატურაში შესვლამდე ჟურნალისტებს გაესაუბრა და აღნიშნა, რომ გიორგი პაპუაშვილის განცხადება მისთვის მოულოდნელი არ ყოფილა. როგორც ერემაძემ აღნიშნა, გამოძიებას კონკრეტული მოსამართლის გვარს დაუსახელებს. „ხაზგასმით მინა ვთქვა, რომ გიორგი პაპუაშვილის მიერ გაჟღერებული ინფორმაციიდან არც ერთი არ შემეხებოდა პერსონალურად მე, თუმცა იმავდროულად არასწორი იქნება იმის თქმა, რომ ის რაც ბატონმა პაპუაშვილმა გააჟღერა, პირველად გავიგე ან არაფერი ვიცოდი ამის შესახებ, ან სასამართლოში ასეთი ინფორმაცია არ არსებობდა. ნამდვილად სასამართლოში რამდენჯერმე, მათ შორის მოსამართლეებთან ერთად ამაზე გვისაუბრია. მათ შორის ვიდრე ბატონი გიორგი ასეთ განცხადებას გააკეთებდა, რამდენიმე დღით პლენუმის ფორმატში თითქმის ყველა მოსამართლე ალბათ ერთის გამოკლებით, ჩვენ დღის წესრიგით სხვადასხვა საკითხებს ვიხილავდით და ბატონი გიორგი იყო რა შეწუხებული ერთ-ერთ მოსამართლის მიერ მისთვის მიწოდებული ინფორმაციით, მან მოსამართლეები ჩაგვაყენა საქმის კურსში. მე ვერ ვისაუბრებ იმ მოსამართლის სახელით, რომელთანაც ეს ინფორმაცია დაკავშირებულია. თუ კი მოსამართლეებთან ასეთი არაჯანსაღი ურთიერთობა აღწევს სიმწვავის იმ დონეს, როდესაც მოსამართლეს დაფიქრება უწევს მიიღოს თუ არა ობიექტური გადაწყვეტილება, ჩემი აზრით ეს ინფორმაცია გამოძიებას უნდა მიეწოდოს. მჯერა, რომ ასეთი ტიპის გამოწვევებზე ყველაზე სწორი პასუხი არის პრინციპული გადაწყვეტილებების მიღება. მე კონკრეტულ გვარს დავასახელებ პროკურატურაში“, - განაცხადა ქეთევან ერემაძემ. საქართველოს მთავარ პროკურატურაში საკონსტიტუციო სასამართლოს მოსამართლეებს ელოდებიან. უწყება გამოკითხვასთან დაკავშირები პლენუმის ყველა წევრს ჩაბარდა.
|
რედაქტორის რჩევით
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
ომი უკრაინაში
უკრაინაში რუსეთის მიერ ცეცხლის შეწყვეტის შეთანხმების ასობით დარღვევა დაფიქსირდა
არა მხოლოდ აღდგომისთვის: უკრაინამ რუსეთს შესთავაზა ცეცხლის შეწყვეტის შეთანხმების გახანგრძლივება
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)