„რესპუბლიკური პარტიის“ წევრის ვახტანგ ხმალაძის განცხადებით, ოჯახის წევრზე ზეწოლასთან დაკავშირებით პრეზიდენტმა სამართალდამცავებს აუცილებლად უნდა მიმართოს.

როგორც დეპუტატმა „ექსპრენიუსს“ განუცხადა, იმ შემთხვევაში თუ საქმე გაუხსნელი დარჩება, ამით დამნაშავეთა წახალისება მოხდება.

„პირველ რიგში დავსვამდი კითხვას - თუ  მისი ოჯახის წევრებზე ხორციელდებოდა უკანონო ზემოქმედება, პრეზიდენტმა ამის თაობაზე სამართალდამცავ ორგანოებს ინფორმაცია თუ მიაწოდა. ვინაიდან, უკანონო ზემოქმედება არის კანონდარღვევა. დანაშაულის აღმოფხვრა კი სამართალდამცავი ორგანოების ვალია. თუ პრეზიდენტმა მიმართა სამართალდამცავებს, რა ღონისძიებები გაატარეს კანონდამცველებმა და გამოავლინეს თუ არა დამნაშავე. ნებისმიერი ადამიანის ოჯახის წევრზე ზეწოლა, ეს არის დანაშაული. ამ შემთვევაში აუცილებელია მიმართო სამართალდამცავებს, რათა არ მოხდეს დამნაშავეთა წახალისება. რასაკვირველია, დანაშაულის რანგი იზრდება, რაც უფრო მაღალი თანამდებობის წევრის ოჯახის წევრზეა საუბარი. შესაძლოა, ეს ზეწოლა რაიმე ქმედების შეზღუდვის საფუძველი გახდეს ანუ სხვაგვარად რომ ვთქვათ, მოხდეს პირის შანტაჟირება. თუ დროულად არ გამოიძიეს ეს საქმე, ქვეყნის იმიჯი დაზარალდება“, - განაცხადა ხმალაძემ.

შეგახსენებთ, რომ საქართველოს პრეზიდენტმა გიორგი მარგველაშვილმა, საკონსტიტუცციო სასამართლოს თავმჯდომარესთან გიორგი პაპუაშვილთან შეხვედრის შემდეგ, ბრიფინგი გამართა.

როგორც ბრიფინგზე პრეზიდენტმა განაცხადა, მოსამართლეებზე ზეწოლის შესახებ პაპუაშვილის მიერ მიწოდებულ ფაქტებს, ის არ გაუოცებია. მარგველაშვილის თქმით, ზეწოლის მცდელობა მისი ოჯახის წევრზეც იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე - რასაც ჩვენთან აკეთებდნენ, ახალისებდნენ ძალადობრივ ორგანიზაციებს, დღეს იგივე მიიღეს საკუთარ ქვეყნებში

კოპალეიშვილი „ოცნების“ დეპუტატებს - ჩემი სტუდენტები იყვნენ, რა საფრთხეს წარმოვადგენ მე?

ივანიშვილის რეჟიმი ხალხს წყლის და გაზის გადასახდელებს უმატებს

ლაშა ფარულავა - ოცნება ხალხს ცხოვრებას კიდევ ერთხელ უძვირებს - ეს სოციალური ტერორის გზაა