აჭარის უმაღლესი საბჭოს დეპუტატის მედეა ვასაძის განცხადებით, აჭარის მთავრობის თავმჯდომარის პოსტზე ზურაბ პატარაძის კანდიდატურა 15 დღის განმავლობაში განიხილებოდა, თუმცა მისი რწმუნებულად დანიშვნის შესახებ მხოლოდ დღეს, პრეზიდენტთან კონსულტაციის დროს შეიტყო.

როგორც ვასაძემ „ექსპრენიუსს“ განუცხადა, ზურაბ პატარიძის რწმუნებულებად დანიშვნა და პარალელურად მისი აჭარის მთავრობის თავმჯდომარის პოსტზე წარდგენა, არათავსებადია.

 „ზურაბ პატარაძის კანდიდატურა აჭარის მთავრობის თავმჯდომარის პოსტზე 15 დღის განმავლობაში განიხილებოდა. რაც შეეხება პატარაძის რწმუნებლად დანიშვნას, ჩვენ ეს ნამდვილად არ ვიცოდით, დღეს, პრეზიდენტთან კონსულტაციის დროს გავიგეთ. მე ვფიქრობ, იმ ვითარებაში, როდესაც ხაბაძე თანამდებობიდან საკუთარი განცხადების საფუძველზე იყო გადამდგარი და კანონით მას შეეძლო ახალი მთავრობის ფორმირებამდე უფლებამოსილების განხორციელება, პატარაძის ერთი დღით დანიშვნა რწმუნებულებად და პარალელურად მისი წარდგენა აჭარის მთავრობის თავმჯდომარის პოსტზე, არათავსებადია. მე, რადგან ოპოზიციაში ვარ,  პატარაძის კანდიდატურას მხარს არ დავუჭერ, მაგრამ თუ ჩვენი ინტერესები გადაიკვეთება, ჩვენ პატარაძესთან ვითანამშრომლებთ“, - განაცხადა ვასაძემ.

შეგახსენებთ, რომ დღეს საქართველოს პრეზიდენტმა ზურაბ პატარაძე აჭარაში რწმუნებულად დანიშნა. ამასთან, მან პატარაძის კანდიდატურა აჭარის უმაღლეს საბჭოს რეგიონის მთავრობის თავმჯდომარის პოსტზე წარუდგინა და იმედი გამოთქვა, რომ მას საბჭო მხარს დაუჭერს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის

საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა